Read MAASAI REVISED PROTESTANT Mika 2 Bible Online

Mika 2 - MAASAI REVISED PROTESTANT bible

Mika 2

¹Woi ninche lelo ooipiru entorroni neas entorroni too rruatin enye! Ore ake pee ekenyu neas ina naiguanutua, amu engolon oo nkaik enye etii.

²Eng'uar ninche nkurman neya ninche; neng'uar nkajijik neya ninche; eibooki ninche oltung'ani enkop o enkaji enye, o ltung'ani o enjung'ore enye.

³Ore enkaraki ina nji ejo Olaitoriani: Ng'ura kagilunore nanu ele marei aipiru entorroni ometaa mindimidimi aaibelekenya imurto inyi. Nimintokiki aapuo te nkitokoos amu keaku enkata e ntorroni.

⁴Ore teina olong nerany ninche osinkolio le nkitumusumuset te nkaraki iyie, neishir ninche te nkishirata e mion ejo, “Eidaikieki iyiook katukul, eibelekenya ninye erubata oo ltung'ana laainei; eiwuang'ie ninye te nanu! Tiatua lelo ootaraitie iyiook etooro ninye nkurman ang.”

⁵Ore enkaraki ina mintoki aata hoo obo onang'aa enkopito te oshoto e nkukuo, tiatua eumata o Laitoriani.

⁶“Mintoki naa alimu irorei le naibon.” Ejo ninche elimu ilomon, “Meishiaakino nelimu oltung'ani ilomon le kuna baa; meinepu iyiook esulare.”

⁷Keimakini ena na aji e Yakobo? Aimeeta Enkiyang'et o Laitoriani eng'iriata? Ke nkiaasin enyena kuna? Aimeeta enaitaas irorei laainei ilo olo too sipat?

⁸Kake itudumakine iyie iltung'ana laainei anaa olmang'atinta; nioru olkila ilo oata eseriani, lelo oopuo eisiligayu lelo lemeeta ndamunot o larrabal.

⁹Ore nkituaak oo ltung'ana laainei, niaraa boo, aitung'uaa ninche nkajijik enye sidain, nintung'uaa ninche nkera enye kutiti, nintung'uaa enkitoo ai ntarasi.

¹⁰Tudumunye shomo amu mme ewueji neyeng'iyeng'areki ene, te nkaraki olduruk omutisho, te nkidaaroto torrono.

¹¹Tenelo oltung'ani airo mbaa e nkijape o elejare, ejo, “Kaaibonoki nanu iyie enaisho oo sabibu o enaisho napi?” Neidim ninye ataa olalikioroni lele orere!

¹²Esipa kalo nanu aiturrur intae Yakobo, kaiturrur nanu ilo pisiai loo Siraeli kapik nanu ninche te nebo anaa eluaata nabo, anaa ntare te ndaata te nkilepilep olorora loo ltung'ana.

¹³Ore ilo obol elusie, neituruk alo te dukuya ninche, nepuo ninche aaim kishomi, neipang auluo aaim ine. Olaiguanani lenye nelo dukuya ninche, Olaitoriani otii endukuya enye.