Read MAASAI REVISED PROTESTANT Mika 6 Bible Online

Mika 6 - MAASAI REVISED PROTESTANT bible

Mika 6

¹Toning'o enajo Olaitoriani: “Tudumunye, tasaisho te dukuya ildoinyo, nincho ndoinyo metoning'o oltoilo lino.

²Entoning intae lo doinyo, enchankar o Laitoriani, o ntae ilkitamanyunot oo bikoo te nkop; amu eeta Olaitoriani enchankar o ltung'ana lenyena, naa kelo ninye aitang'or Israel.

³“Lo tung'ana laainei, kaa nanu aitaasa intae? Kainyoo nanu aitanaurie intae? Entawalikiaki nanu!

⁴Amu ayawua nanu intae ailepunye te nkop e Misiri, nalaku intae te nkaji e sinkaisho; nairriu nanu Musa meshomo te dukuya intae, o Aron, o Miriam.

⁵Lo tung'ana laainei, entadamu ina apa naipirua Balak olaiguanani le Moab, o ina natawalikia Balaam olayioni le Boer ninye, o ina nataasa ebaiki Shitim o metabaiki Gilgal pee itumutumu aatayiolo iasat naaitajeusho o Laitoriani.

⁶“Kainyoo nanu ayau dukuya Olaitoriani, nalotu airrugo te dukuya Enkai natii shumata aisul? Kalotu nanu dukuya ninye oo lasarri oopejori too lasho lo lari obo?

⁷Keitiship Olaitoriani ilmeregeshi enkalifu nabo, o lkejek enkalifu nabo le ilata? Kaishooyo nanu olkikau lai te nkaraki nkitarruorrot aainei, ilo ng'anayioi lo sesen lai te nkaraki eng'oki o ltau lai?”

⁸Kintoduaa ninye iyie lo tung'ani embae sidai o ina nayieu Olaitoriani te iyie, pee ias esipata ninyorru isupati nilo te mborron tenebo Enkai ino?

⁹Eishiraki oltoilo lo Laitoriani enkanasa naa eng'eno nagut teneurei enkarna enye: “Toning'o lo osho o eumata ena anasa.

¹⁰Ilchumat le nkarruoisho tiatua enkaji o larruoni, o ina temet natii elejare naata oldeket?

¹¹Kapalaa nanu oltung'ani oata entemet naineneng'ishoreki e lejare o lbene otii isoito ooineneng'ishoreki le lejare?

¹²Eeta ilkarsisi linono olarrabal; neiro lelo le nkop ino elejare, neeta ilng'ejepa lenye elejare.

¹³Ore enkaraki ina, aaiterua nanu aosh iyie, naitomijoon te nkaraki ing'ok inono.

¹⁴Ilo iyie adaa nimiraposho naa kelo olameyu atii iwuejitin inono e atua. Inteng'el iyie kake mintagol, ore ina ninteng'el nemeaku. Ore ina nisudoo aiteng'el naisho nanu metara olalem.

¹⁵“Iun iyie kake minkes; iramat iyie iloirienito kake mielare eilata enye; Irony iyie isabibu, kake miok enaisho enye.

¹⁶Amu imbung'a iyie nkikoot e Omri, o siaaitin pooki e nkaji e Ahab; nimbung'a iyie nkikoot enye, pee aatum nanu aitaa iyie olmuaate naitaa emanyisho ino entoki naimakini; neaku inap iyie esukeny oo ltung'ana.”