Read MAASAI REVISED PROTESTANT Habakuk 3 Bible Online

Habakuk 3 - MAASAI REVISED PROTESTANT bible

Habakuk 3

¹Enkomono ena e Habakuk oloiboni le Nkai, te risioroto e Shiginot.

²Iyie Olaitoriani, atoning'o nanu mbaa inono, ore esiaai ino, iyie Olaitoriani, kaure nanu. Ore te mpolos oo larin ntopiu iyie ninye ore te mpolos oo larin nchoo metayiolouni; ore te ngoro, tadamu olng'ur.

³Eewuo Enkai te Teman, nelotu ilo obo Sinyati eing'uaa oldoinyo le Paran. Neiput enkitoo shumata, neiput enkop e nkisisa enye.

⁴Ore enkimerlel enye netiu anaa ewang'an, neng'orunye ewang'an te nkaina enye; ore teine neimulumul engolon enye.

⁵Nelo olbuket te dukuya ninye, nesuju olmeitai ninye etaaniki.

⁶Eitashe ninye netem endapasho e nkop; neing'orisho ninye neiposhiposh iloreren, neitokini aaidapash lelo doinyo ootii atua. Ore lelo doinyo loo ntarasi neidapasha ore nena doinyo oo ntarasi nedoyio aaimis. Ore nkoitoi enyena naa iniapa moitie.

⁷Atoduaa nanu ilng'oborri le Kushan tiatua emion ore iltung'ana le Midian neikirikira.

⁸Itagorokine apa iyie ilkejek iyie Olaitoriani? Itagorokine iyie ilkejek anaa ke naiposha igilunore. Pee itakedo iyie mbartan inono, nena bartan inono e nkishuroto.

⁹Itabolo iyie emootian ino, nipik mbaa empito e nkawuo. Imperra iyie enkop apik ilkejek.

¹⁰Kidol iyie ildoinyo neikirikira, nenang'ari nkariak aaruko, ore enguton neitayu oltoilo lenye, nedumu nkaik enyena ailepie.

¹¹Neitashe enkolong o lapa too wuejitin enye, te wang'an e nkimerlel oo mbaa inono epuo etangoroyioki, o te nkimerlel e ina remet ino naimerlel.

¹²Ntunyoyie iyie aimaa enkop te mpushuna, ntunyoyie iyie iloshon te ngoro.

¹³Ishomo iyie te nkaraki enjeunoto oo ltung'ana linono, te nkaraki enjeunoto eilo litubukoko eilata aput. Itupurda iyie endukuya eilo arruoni, irragie ninye meishopo ebaiki enkupes o metabaiki emurt.

¹⁴Itangoro iyie too mbaa inono endukuya oo lmurran lenyena, ilo oewuo anaa olkutati aidapash iyiook, neng'ida ninye anaa oloidaikie olaisinani te nkisudoroto.

¹⁵Ntunyo iyie enaiposha too mbartan inono, ine wueji oo nkariak kumok.

¹⁶Atoning'o nanu naikirikira, naaonyo enkutuk, teilo toilo latoning'o. Neng'uoyu iloik laainei tiatua nanu, neikirikira nkejek aainei. Kaitirring'a nanu aanyu enkolong e nyamali, pee elotu shumata lelo oorasaki iyiook.

¹⁷Ore hoo nemeitapuku olng'aboli, nemeiu osabibu ilng'anayio, neimin ilng'anayio lo loirien, nemeiu nkurman endaa, neye iluaat oo ntare pooki neishunye nchoo too nkang'itie.

¹⁸Ore ake eyia, kashipakino nanu Olaitoriani, kang'idakino nanu Enkai e njeunoto ai.

¹⁹Enkai, Olaitoriani ninye engolon ai; neitotiu nkejek aainei anaa ine ntarakuet te neneng'i, naaidimie ninye maimai nchumat oo ldoinyo.