Read MAASAI REVISED PROTESTANT Sakaria 7 Bible Online

Sakaria 7 - MAASAI REVISED PROTESTANT bible

Sakaria 7

¹Ore to lari liong'uan le nkitoria o olaiguanani Dario, eewuo ororei lo Laitoriani enetii Sakaria te nkolong e ong'uan o lapa le naaudo laa ninye eji Kislef.

²Ore ina kata eirriwaitie iltung'ana le Betel Sharese o Regemelek oltung'ana lenye pee epuo aomonu omom to Laitoriani.

³Neikilikuan ilo apolosani le nkaji Olaitoriani loo lororani tenebo iloibonok le Nkai, ena kikilikuanata: “Amaa kaishir napukoo aaomon to lapa le imiet, anaa enataasa too larin kumok ooishari?”

⁴Ina pee elotu ororei lo Laitoriani loo lororani enatii aajoki:

⁵Tiaaki iltung'ana pooki leina kop tenebo ilapolosak, “Amaa ina kata nipukoo pee iomon, ninchir sii to lapa le imiet, o to liopishana, te kulo arin intomoni naapishana, itupukoyie apa te nkaraki nanu kiomon?

⁶Amaa ina nidaa, niokishosho aimidaa tenkaraki nkorroki inyi, niokishosho tenkaraki nkorroki inyi?”

⁷Aeme irorei apa kulo ooiroro Olaitoriani too loibonok le Nkai te dukuya ina kata apa eton egol Yerusalem o nkanas naamanita, nebore iltung'ana atua ninche, atua o neemanita olkerenket le kopikop te nkalo oo ntonat oo ldoinyo lo loontoluo?

⁸Nelotu ororei lo Laitoriani enetii Sakaria ejoki,

⁹“Ena etejo Olaitoriani loo lororani apa: ng'ura oleng metaasi esipata te nkiguana intodolu esupatisho olng'ur tiatua olalashe lino,

¹⁰mimbooki enkop enkoliai anaa oltung'ani okishi anaa olomoni, midamu intorrok to ltau lino tenkaraki olalashe lino.”

¹¹Kake etanyaita ninche ening, neuno aagolong'u neany ening, nenuk inkiyiaa enye pee mening.

¹²Neitagol iltauja lenye anaa osoit pee mening, ake ina kitanapata o rorei oirriwua Olaitoriani loo lororani te Nkiyang'et enye aimunye lelo oibonok le Nkai le dukuya. Metaa eewuo engoro sapuk naing'uaa enetii Olaitoriani loo lororani.”

¹³“Ore aipotisho nanu nemaaning ninche nanu, ore pee eipotisho sii ninche, nemaning sii nanu ninche” Olaitoriani loo lororani ojo.

¹⁴“Naidapash ninche to siwuo torrono aidapashaki lelo oreren lemeyiolo ninche. Neaku ore ina kop natung'uaitie neaku mijooni metaa meetae oltung'ani ojing aashu opuku, neitaae ina kop sidai naitishipisho e mijooni.”