Read MAASAI REVISED PROTESTANT Iroma 16 Bible Online

Iroma 16 - MAASAI REVISED PROTESTANT bible

Iroma 16

¹Karrepaki intae enkanashe ang Fibi, enkaisiaayiani e sirit natii Kenkerea,

²nchere entang'amu to Laitoriani anaa enaishiaakino lelo sinyat, niretutu te mbae ake pooki nayieu te ntae, amu ninye nataa enkaretoni oo lkumok ebaiki ilatii nanu.

³Eroroki Prisila o Akuila, naaisiaishote te nebo nanu tiatua Kristo Yesu,

⁴etipika ate batisho te nkaraki nanu, neme nanu ake oisho ninche enashe, keishorita sii ninche isirito pooki oo Loreren.

⁵Eroroki sii ina natii enkaji enye. Eroroki olanyor Epaeneto, laa ninye oitera aibelekenyakino Kristo te Asia.

⁶Eroroki Mariamu nataasishe oleng tiatua intae.

⁷Eroroki Androniko o Yunias, le mudong ang likiriamakinote eenata; iltung'ana ooibala lelo tiatua lkipaareta, ooitera apa ninche aairuk Kristo eitu airuk nanu.

⁸Eroroki Ampilato lanyor tiatua Olaitoriani.

⁹Eroroki Urbano, likisiaayia Kristo te nebo o lanyor Stakis.

¹⁰Eroroki Apelle, otonyorrayioki tiatua Kristo. Eroroki lelo lo lmarei le Aristobolo.

¹¹Eroroki oltung'ani le mudong ang oji Herodion. Eroroki lootii atua Olaitoriani le nkaji e Nakirso.

¹²Eroroki nena aisiaayiak tiatua Olaitoriani, Trifana o Trifosa. Eroroki enanyor Persi, nataasishe oleng tiatua Olaitoriani.

¹³Eroroki Rufo, ogeluno tiatua Olaitoriani, o ng'otonye naa yieyio sii nanu.

¹⁴Eroroki Arinkristo o Flegon o Herme, Patroba o Herma, o lelo alashera ootii te nebo ninche.

¹⁵Eroroki Filologo o Yuliaa, Nerea o enkanashe enye, O Olimpa o lelo sinyat pooki ootii te nebo ninche.

¹⁶Erorokinoto te ng'ututata nasinya. Eiroroki intae isirito pooki e Kristo.

¹⁷Asai intae, ilalashera o nkanashera aainei, entodol ake lelo ooipiru enchankar o ngolikinot, earare ina kiteng'enare natuutakaki intae; entaapaash ninche.

¹⁸Amu ore ltung'ana laaijo lelo mme Olaitoriani lang Kristo eisiaaita ninche kake ng'uarrat enye maate, naa nkutukie eitamelon too rorei le nkisisa pee etumoki aatelej lelo oomaae.

¹⁹Amu ore hoo neyiolo iltung'ana aajo ining'ishosho ntae, o metaa kang'idare nanu ntae, kayieu ning'enunu aayiolou nena supati nemetii elejare, niyiolouu sii nena torrok;

²⁰pee etum Enkai e seriani atasioki atupurda Sheitani tialo nkejek inyi. Metaa te nebo intae empiris o Laitoriani lang Yesu Kristo.

²¹Eiroroki ntae Timoteo, laaisiritore te siaai; naa nejia etiu Lukio o Yason o Sosipater oora le mudong ang.

²²Nanu Tertio, olaigeroni le na palai, oiroroki intae tiatua Olaitoriani.

²³Eiroroki sii ntae Gayo laa enkaji enye atii, o Erasto olashumani le nkanasa o lalashera lang Kuarto.

²⁴[Metaa te nebo ntae empiris o Laitoriani lang Yesu Kristo, Eesai.]

²⁵Metaa taata enkisisa ene Nkai, ilo oidim aitagolo ntae anaa enatejo te ilo rorei supat lo Laitoriani lalikioo, aimaki Yesu Kristo o enatiu embolunoto e ina naisudoro apa too lporori ootulusoitie apa moitie,

²⁶netabolokoki taata. Ore tiatua ilkigerot le naibon, neitayioloki iloreren, te risioroto e nkitanapata e Nkai oo ntarasi pee eyau enkanyit e nkirukoto

²⁷Metaa ene Nkai ang enkitoo ntarasi, tiatua Yesu Kristo. Eesai.