Read MAASAI REVISED PROTESTANT Iroma 2 Bible Online

Iroma 2 - MAASAI REVISED PROTESTANT bible

Iroma 2

¹Ore te nkaraki nena, miaata enintolonyaki lo tung'ani, ira toki nira, te ninguanare likae; amu ore pee inguanare iyie likae naa kewan inguanare, amu ore iyie, ira oloiguanare olikae, niaasita sii iyie nena.

²Kiyiolo aajo kaasipani Enkai teneiguanare lelo ooas nena baa.

³Ijo pasa, lo tung'ani, te ninguanare lelo ooas nena niaasita sii iyie openy, eijo pasa ilany iyie enkiguana e Nkai?

⁴Ana aimenaa iyie enkitoo o lng'ur lenye o eanyunoto o eng'iriata enye? Aimiyiolo aajo kejo Enkai pee kirikoki olng'ur lenye enkirridunoto?

⁵Kake engolon o ltau lino lemeirridu likintaany iyie engoro e Nkai kenya te neboluni.

⁶Amu kelaaki ninye pooki tung'ani aitorisioki isiaaitin enyena:

⁷ore lelo oong'iri aas isupati eing'oru enkitoo o enkanyit o empuaan nemeish, neisho ninye lelo enkishui nemeish.

⁸Kake ore lelo oonyor ate lemeiruk ina sipata, laa ntorrok ening nesuj, netum ninche engoro o erasakinoto.

⁹Keaku osina o emion to ltung'ani pooki oas intorrok, neiteru to Lyahudi naa nejia etiu to Lyunani,

¹⁰kake keaku enkitoo o enkanyit o eseriani te pooki ng'ae oas isupati, neiteru to Lyahudi naa nejia etiu too Lyunani.

¹¹Amu meeta Enkai olkep.

¹²Ore lelo pooki ooas ing'ok meeta nkitanapat naa keidaaya meeta nkitanapat, ore lelo ootaasa ng'ok eeta nkitanapat neiguanareki te nena kitanapat.

¹³Amu mme lelo ooning ake nkitanapat isupati tialo Enkai, kake lelo ooitabaya nkitanapat eishori isipat.

¹⁴Te neas iloreren lemeeta nena kitanapat too lkerreti lenye oopeny nena naajo Inkitanapat, netaa nena kiasin enye inkitanapat te ninche, hoo nemeeta ninche nena kitanapat.

¹⁵Keitoduaaya nkiasin enye aajo keigero nena naajo nkitanapat tiatua iltauja lenye, neaku too nkorroki enye shakeni. Ore ndamunot enye neiguanare ti ai kata, ore ti ai kata nemitu ninche,

¹⁶teina olong kenya anaa enalimu nanu te kulo omon supati lalikioo, teina olong kenya eiguanare Enkai inkisudorot oo ltung'ana te Yesu Kristo.

¹⁷Kake ti nikiji ira Olyahudi naa Nkitanapat ingarakino niwuasare osotua lino o Enkai,

¹⁸niyiolou iyie eyieunoto enye ninyor ina naikishiaan, amu kituutakaki tiatua nkitanapat,

¹⁹naa te naa kesipa nchere ira iyie olarikoni loo lmodook, nira ewang'an e lelo ootii enaimin,

²⁰nira oloutaa ilmoda, nira oloiteng'en inkera, amu iata eyiolounoto e sipata oo nkitanapat.

²¹Amaa naa iyie oloiteng'en ilkulikae, oo pee minteng'en kewan? Amaa ilikioo ajo mipurrisho, ipurrisho pasa iyie?

²²Oo iyie olojo miloloito, iloloito pasa iyie? Oo iyie oloiba nkitanyaanyukot naaitaai nkaitin, ipur pasa iyie inkajijik enye naasaishoreki?

²³Ore iyie olowuasare nena kitanapat, intukurru pasa Enkai apaashare nkitanapat?

²⁴Amu ore anaa enatisiraki, “To lbae linyi emor Iloreren enkarna e Nkai.”

²⁵Amu kesipa keeta emurata tipat te nimbung inkitanapat; kake te nigil inkitanapat netiu imurata anaa eimimurata.

²⁶Metaa, te neibung oltung'ani lememurata nena naajo nkitanapat, aimetiu ole memurata anaa olomurata?

²⁷Ore naa lelo lememurata ooibung nena kitanapat ninche ooiguanare intae ilooata nkitanapat naasira niaatata emurata kake nitapaashare nena kitanapat.

²⁸Amu mme Olyahudi odede pooki ng'ae ake odoli etiu ti oriong, neme pooki ake olomurata naa olodung'o ake osesen.

²⁹Olyahudi odede olora tiatua kewan, ore emurata nara naa embae o ltau naa ene nkiyang'et mme enasira ake. Ore enkisisa e ilo neme enoo ltung'ana kake ene Nkai.