Read MAASAI REVISED PROTESTANT 1 Ilkorinto 11 Bible Online

1 Ilkorinto 11 - MAASAI REVISED PROTESTANT bible

1 Ilkorinto 11

¹Nanu entoduaai anaa enaduaaya sii nanu Kristo.

²Aisisita intae amu aikidamumu te pooki toki o te nkaraki nitukurrakita aaibung ilkerreti anaa enapake naitarasaka intae.

³Kake kayieu niyiolouu aajo Kristo endukuya o lee ake pooki, naa olee elukunya e nkitok, naa Enkai endukuya e Kristo.

⁴Ore pooki lee oiro aomon aashu elimu olkilikuai le Nkai eitoipito endukuya enye naa Kristo elaiki enkanyit, laa ninye elukunya enye.

⁵Ore enkitok ake pooki naomon aashu elimu olkilikuai le Nkai eitu eitoip endukuya enye, meeta enatalang'ie ina enkitok natabarnoki endukuya.

⁶Te nemeimulumul enkitok endukuya nemeeta naa enatiu te nedung'i ilpapit; naa te naa esulare te nedung'i enkitok ilpapit aashu ebarni elukunya, neishiaakino naa neimulumul endukuya.

⁷Meishiaakino neimulumul olee endukuya enye, amu ninye oitodolu eneyia empukunoto o enkitoo e Nkai; kake enkitoo o lee eitodolu ninye eng'oruoi.

⁸Mme eng'oruoi etupukunye olee, kake olee etupukunye eng'oruoi;

⁹neitu eitaini olee te nkaraki eng'oruoi, kake te nkaraki olee pee eitayioki engorui.

¹⁰Ore teina, te nkaraki ilmalaika, keishiaakino ake neeta eng'oruoi enkitoduaata nautu enkitoria naitorei te lukunya enye.

¹¹Kake ore ake eyia, ore tiatua Olaitoriani, mme toki eng'oruoi metii olee neme toki olee metii eng'oruoi;

¹²amu ore anaa pee eitayioki eng'oruoi to lee, neing'uaa sii ninye olee eng'oruoi, kake Enkai eing'uaa ntokitin pooki.

¹³Eng'uanare oopeny, ijojo keishiaakino te neomon eng'oruoi Enkai meimulumula endukuya?

¹⁴Ai meutaa intae empukunoto enye naitobirunyeki, ajo te neeta olee ilpapit adoru, neaku enkurruna te ninye,

¹⁵kake te naa adoru enkitok ilpapit, neaku esikar te ninye. Eishooki ninye lelo papit adoru pee eitoipore.

¹⁶Te netii oloyieu neishankarru kuna, najoki nanu intae, mikiaata likae kerreti, nemeeta sii ninche isirito e Nkai.

¹⁷Ore aitanap intae kuna baa, kaata enamen te intae naa nchere, keinyalisho ntumoritin inyi meretisho.

¹⁸Eituruk enatoning'o nchere ketii eoro atua intae ti nitumomo irara esirit, naa kairuk kulie e nena.

¹⁹Amu meeta nchere pee eitu eoro intae indamunot, pee kitum aatodol ilewa le tipat.

²⁰Kake ti nitumomo te nebo, neme Endaa o Laitoriani ina nipuonunu aanya.

²¹Amu ipuonunu pooki aanya ndaiki inyi nelo likae eeta esumash nelo likae etemere.

²²Amaa, ai nkajijik miatata nidaarere? Anaa imenimene esirit e Nkai, nintukurrurru lelo aisinak? Kajoki aa intae? Kaisis intae? Maisis intae teina.

²³Ore olkerreti laishoo intae, to Laitoriani atang'amua, nchere ore teina kewarie naitarasarieki Olaitoriani Yesu, nedumu emukate,

²⁴ore pee eidip aishooi enashe, nebelibel nejo, “Osesen lai ele, laishorita ntae; entaas ena kidamumu nanu.”

²⁵Neiko sii nejia nedumu enkikompe eidipe endaa, nejo, “Ore ena kikompe ninye Osotua ng'ejuk oitayu osarge lai; entaas ena anaa ake ti niokioko, pee kidamunyenye nanu.”

²⁶Amu ore enkata pooki ninyanya ena mukate niokioko ena kikompe, naa keeya o Laitoriani ilikioo, o meeu.

²⁷Neaku ore pooki tung'ani onya ina mukate neok ina kikompe meishiaakino, keaku keeta eng'oki e ilo sesen o ilo sarge lo Laitoriani.

²⁸Keishiaakino nejur ake oltung'ani kewan eton eitu enya ina mukate neokie ina kikompe.

²⁹Amu te nenya oltung'ani neok neitu eyiolou tipat e ilo sesen, kewan etudong'oko enkiguana teina kinosata o teina okoto.

³⁰Ina pee eshal nemuoyiaa ilkumok tiatua intae, netuata esiana.

³¹Ti niking'uanare ate too sipat nemeitokini aaiguanare iyiook;

³²kake ore amu Olaitoriani oiguanare iyiook, ina pee eitamei iyiook, pee medung'okini iyiook enkiguana aairiamaa o enkop.

³³Neaku, ilalashera o nkanashera aainei, ti nitumomo te nebo pee inyanya endaa o Laitoriani, entaanyunoto.

³⁴Te netii oloata esumash, nenya endaa ti ang, pee meaku entumo enapukoki endung'okinoto e nkiguana. Kalotu aitanap intae kulie baa te nalotu.