Read MAASAI REVISED PROTESTANT Ilgalatia 6 Bible Online

Ilgalatia 6 - MAASAI REVISED PROTESTANT bible

Ilgalatia 6

¹Ilalashera laainei o nkanashera, te neaku eirrashaki oltung'ani te nkitarruorroto naje, ore intae ile nkiyang'et nitemiteme aasaru te nkiyang'et e mborron; naa entodol ate, pooki ng'ae, mikitemi sii ninye iyie.

²Entaretokinoto lolan olikae o likae, amu teina intabayaya enkitanapata e Kristo.

³Te neitaa likae kewan kitok mme toki ninye kewan elej.

⁴Enchoo ejur pooki tung'ani inkiasin enyena, paa te netonyorrayioki netum aisisa kewan neme to le latia enye;

⁵amu kenap ake pooki tung'ani olola lenye makewan.

⁶Enchoo ilo oiteng'eni eng'arie mbaa pooki supati ilo oiteng'en ninye.

⁷Emilej ate, mederrieki Enkai. Amu inaaun oltung'ani elo ake sii aikes.

⁸Ore ilo ounoki enkulupuoni enkewan o sesen nelo aikes teina kewan o sesen erruorroto, ore olounoki enkulupuoni e Nkiyang'et nelo aikes te Nkiyang'et enkishui oo ntarasi.

⁹Ore aa isupati kiaasita emikidukenya, amu kelotu enkata nikisotisho te neitu kintololong enyuaata ang.

¹⁰Ore te nkaraki ina, ore ake irishat pooki nikitum, emaitaasa pooki ng'ae isupati, neisul lelo otii enkaji e nkirukoto.

¹¹Ore kulo kigerot sapuki lisumusumu, ilatisira te nkaina ai makewan.

¹²Ore lelo ooyieu newuasare intae eyiewuaki intae olkerreti lo sesen, intae ejo pee earaki metumurati, aa kejo pee mepuoi aarare ninche te nkaraki osalaba le Kristo.

¹³Ore doi ninche lelo oojo meeta nchere pee memurati intae, mesujita ninche oopeny nena kitanapat, kake eyieu ake nemurati intae pee etum ninche maate aatawuasare ina dung'oto oo seseni linyi.

¹⁴Ore nanu, mawuasare ai kata ae toki neme osalaba lo Laitoriani lang Yesu Kristo, laa te ninye etashoki enkop tialo nanu neaku aatashoki nanu tialo enkop.

¹⁵Te naa kemurata oltung'ani aashu ememurata neme toki; ore enatii naa te naa keitaaki enkitobirata ng'ejuk.

¹⁶Menoto lelo pooki oosuj ena kitanapata eseriani o lng'ur, naa taa, o lelo oora Siraeli le Nkai.

¹⁷Ore ebaiki taata, mayieu naaitoki likae tung'ani aitanyamal, amu ore nkiporo naata to sesen lai ilmishiren le Yesu ninche.

¹⁸Metaa empiris o Laitoriani lang Yesu Kristo te nebo enkishui inyi, ilalashera laainei. Eesai.