Read MAASAI REVISED PROTESTANT Ilfilipi 1 Bible Online

Ilfilipi 1 - MAASAI REVISED PROTESTANT bible

Ilfilipi 1

¹Paulo o Timoteo, isinkan le Kristo Yesu ooigeroki lelo sinyat pooki tiatua Kristo Yesu ootii enkang e Filipi tenebo ilaitasheikinok le sirit e Nkai o laisiaayak.

²Enoto empiris o eseriani eing'uaa Enkai Papa lang o Laitoriani Yesu Kristo.

³Ore oshi enkata pooki nadamu intae, naisho Enkai ai enashe,

⁴naa te naomon, nadamu intae pooki te nchipai sapuk,

⁵te nkaraki ina nitaa intae ilaasak te nebo nanu te nkitubularoto o rorei supat ebaiki apa te nkiterunoto o taata.

⁶Nayiolo aitisip nchere ore Enkai naiterua esiaai sidai tiatua intae naa keitabaya teina olong e Yesu Kristo.

⁷Keishiaakino tenaata kuna tialo intae pooki amu aibung'ita intae to ltau lai amu itii te nebo nanu tiatua empiris o te enata ai o te ng'oroto o te nkitisipata o rorei supat.

⁸Naa shakeni ai Enkai teina yieunoto naata te intae teina nyorrata e Yesu Kristo.

⁹Ore enkomono ai naa nchere pee eponari enyorrata inyi oleng nitumutumu eng'eno o enjurrunoto oo mbaa,

¹⁰pee itumutumu aatujur nena sidan aaisul, niaakuku biyot, ilemeeta leyiat te nkolong e Kristo.

¹¹Neboreyu intae ilng'anayio le supatisho, ooimu atua Yesu Kristo, neyau enkitoo e enkisisa e Nkai.

¹²Ayieu niyiolouu ilalashera laainei nchere, ore nena naaitaasaki nanu, netaretutuo enkitubularoto o rorei supat,

¹³o metaba anaa neyiolou isikarini pooki le nkaji enkitoo o ltung'ana pooki nchere ore pee aena naa te nkaraki Kristo.

¹⁴Nenoto ilalashera kumok enkitagoloto tiatua Olaitoriani te enata ai neaku kelimu ororei le Nkai te mpijan metii enkuretisho.

¹⁵Keinosu kulikae Kristo to lom o te nkesha kake keinosu kulikae to ltau sidai.

¹⁶Ore lelo ooinosu to ltau sidai neinosu te nyorrata eyiolo aajo aatipikaki nanu ene te nkaraki nang'orito ilo rorei supat;

¹⁷ore lelo kulikae nelimu Kristo te nkitokoos ejo pee aaitang'or nanu teina enata ai.

¹⁸Kainyoo naa enkiting'oto? Ena, nchere, ore too nkoitoi pooki naalikiorieki Yesu aa to lom aashu te nkesha naa kaaitiship nanu.

¹⁹Ee naa kang'ida. Amu kayiolo ajo ore te nkaraki enkomono inyi o te retoto e Nkiyang'et e Yesu naa keyau elakunoto ai.

²⁰Ore eyieunoto e eanyunoto o siligi lai naa nchere pee makurru, kake ore te mpijan nabore taata anaa oshiake, neyanyituni Kristo to sesen lai, aa te nkishui aashu te keeya.

²¹Ore te nanu Kristo enkishui, ore keeya naa dupoto.

²²Kake te naishu to sesen, neaku kumok lng'anayio le siaai ai neaku mayiolo ajo kaa adutaa.

²³Amu kang'aashana aaitirrishita oleng nkaloli pokira are. Ore eyieunoto ai naa pee aiwuang'a to sesen naaku te nebo Kristo, amu ina esidai oleng.

²⁴Kake tenabik tiatua ele sesen naa ina naata tipat te intae.

²⁵Kaitisip ena nchere, kayiolo ajo katon naa kabik aret intae pooki, te nkaraki enkitubulunoto inyi o eng'ida tiatua enkirukoto,

²⁶paa ore tiatua nanu, nitumutumu esipata niwuasarere tiatua Kristo naibala te naitoki alotu enitii.

²⁷Ore too mbaa pooki, enkuna ena nabo, enchoo orrekie le nkishui inyi meishiaakinore ororei supat le Kristo peyie te naewuo adol intae aashu te nematii naning'oo ajo ituunote intasheshe to ltau obo, o te ndamunoto nabo, ninyokinyoko aairiamari te nkaraki enkirukoto o rorei supat,

²⁸niminchosho eiture intae ae toki e lelo mang'ati ookesh intae. Ele olmonekie oibala le mutata te ninche kake ole njeunoto te intae, naa Enkai eing'uaa ina.

²⁹Amu eishooki intae te nkaraki Kristo enkitamioto neme pee irukuruku ake, kake o pee eitamei sii ntae te nkaraki ninye,

³⁰itii atua ilo arrabal apa ake litoduaa nining'itoto taata aajo eton ake atii.