Read MAASAI REVISED PROTESTANT Yoshua 19 Bible Online

Yoshua 19 - MAASAI REVISED PROTESTANT bible

Yoshua 19

¹Neoshi enkukuo e are te nkaraki olosho le Simeon te risioroto oo lmareita lenyena; netii apa enjung'ore enye empolos e njung'ore o losho le Yuda.

²Neeta apa ninye aitaa enjung'ore enye Beer-sheba o Sheba o Molada,

³o Hasar-shual o Bala o Esem,

⁴o Eltolad o Betul o Horma,

⁵o Siklag o Bet-markabot o Hasar-susa,

⁶o Betlebaot o Sharuhen - inkanas tomon o okuni te nebo inkang'itie enyena kutiti;

⁷o En-rimon o Eter o Ashan - inkanas ong'uan te nebo inkang'itie enyena kutiti;

⁸te nebo nena ang'itie pooki kutiti naamanita kuna anas o metabaiki Baalat-beer o Rama e Negeb. Ena apa enjung'ore o losho le Simeon te risioroto oo lmareita lenyena.

⁹Ore apa enjung'ore o losho le Simeon neitayu ematua e nkop e Yuda; amu ore apa erubata o losho le Yuda; naa keidapash oleng te ninche, netum olosho le Simeon enjung'ore te mpolos e njung'ore enye.

¹⁰Neoshi enkukuo e uni te nkaraki olosho le Sebulon, te risioroto oo lmareita lenyena. Ore ina kop e njung'ore enye nelo abaya Sarid;

¹¹neitoki ilo polosie alo enkalo o loo ntoluo, nelo abaya Mareal, nelo aikob Dabeshet, neitoki abaya enong'oto natii enkalo o loo saen le Yoknear;

¹²nedumunye te Sarid aipir enkae shoto enkalo o loo saen aing'or eneilepunye enkolong o metabaiki olpolosie le Kislot-tabor; nelo teine o metabaiki Daberat, neitoki ailep alo Yafia;

¹³nedumunye neim enkalo o loo saen aing'or eneilepunye enkolong o metabaiki Gad-hefer o metabaiki Et-kasin, nelo o metabaiki Rimon neloja aing'or Nea.

¹⁴Neitoki alo te nkalo e moikuape ab o ina olpolosie aing'or Hanaton, nelo aiting to erata le Iftahel;

¹⁵o Katat o Nahalal o Shimron o Idala o Betlehem - inkanas tomon o are te nebo inkang'itie enye kutiti.

¹⁶Ena ninye enjung'ore o losho le Sebulon, te risioroto oo lmareita lenyena - kuna anas te nebo inkang'itie enyena kutiti.

¹⁷Neoshi enkukuo e ong'uan te nkaraki olosho le Isaakar te risioroto oo lmareita lenyena.

¹⁸Ore olpolosie lenye neitushulu Yesreel o Kesulot o Shunam,

¹⁹o Hafaraim o Shion o Anaharat,

²⁰o Rabit o Kishion o Ebes,

²¹o Remet o Enganim o Enhadad o Bet-pases;

²²nelo sii ilo polosie aikob Tabor o Shahasuma o Bet-shemesh, nelo ilo polosie lenye aiting te Yordan - inkanas tomon o ile te nebo inkang'itie enyena kutiti.

²³Ena ninye enjung'ore o losho le Isaakar te risioroto oo lmareita lenyena - nena anas te nebo inkang'itie enyena kutiti.

²⁴Neoshi enkukuo e imiet te nkaraki olosho le Asheri te risioroto oo lmareita lenye.

²⁵Ore enkop enye neitushulu Helkat o Hali o Beton, o Aksaf,

²⁶o Alamelek o Amad o Mishal; ore te nkalo o loo ntoluo nelo aikob Karmel o Shihor-libnat,

²⁷neitoki aibelekenya aing'or enkalo o loo saen, nelo Bet-dagon, o meikobo Sebulon oerata le Iftahel te nkalo e moikuape o meshomo Bet-emek o Niel, neitoki alo te nkalo e moikuape o meshomo Kabul,

²⁸o Ebron o Rehobu o Hamon o Kana o metabaiki Sidon Kitok;

²⁹neitoki ilo polosie aibelekenya aing'or enkalo e Rama, ometabaiki enkanasa nasheta sunta e Tiro; neitoki ilo polosie alo ometabaiki Hosa, nelo aiting te naiposha; Mahalab o Aksib.

³⁰O Uma o Afek o Rehob - inkanas tikitam o are te nebo inkang'itie enyena kutiti.

³¹Ena ninye enjung'ore o losho le Asheri te risioroto oo lmareita lenyena - kuna anas te nebo inkang'itie enyena kutiti.

³²Neoshi enkukuo e ile te nkaraki olosho le Naftali te risioroto oo lmareita lenye.

³³Nedumunye olpolosie lenye te Helef o te Saananim o Adaminekok o Yabneel o meshomo Lakum; nelo aiting te Yordan;

³⁴neitoki ilo polosie ab o ina aing'or enkalo o loo ntoluo o meshomo Asnot-tabor, nelo teine o metabaiki Hukok, nelo aikob Sebulon te nkalo e kopikop, neikob, Asheri te nkalo o loo ntoluo; neikob Yuda te nkalo o loo saen le Yordan.

³⁵Ore apa inkanas naasheta isunta naa Sidim o Seer o Hamat o Rakat o Kineret,

³⁶o Adama o Rama o Hasor,

³⁷o Kedesh o Edrei o En-hasor,

³⁸o Yironi o Migdalel o Horem o Betanat o Bet-shemesh - inkanas tomon o oudo te nebo inkang'itie enye kutiti.

³⁹Ena ninye enjung'ore o losho le Naftali te risioroto oo lmareita lenye - kuna anas te nebo inkang'itie enyena kutiti.

⁴⁰Neitoki alotu erubata e naapishana te nkaraki olosho le Dan, te risioroto oo lmareita lenye.

⁴¹Ore enkop e njung'ore enye neitushulu o Sora o Eshtaol o Ir-shemesh,

⁴²o Sha-alabin o Aijalon o Itla,

⁴³o Elon o Timna o Ekron,

⁴⁴o Elteke o Gibeton o Baalat,

⁴⁵o Yehud o Bene-berak o Bat-rimon,

⁴⁶o Me-yarkon o Rakon o ina kop apa naipirakinore Yopa.

⁴⁷Ore ake pee elau lelo le Dan enkop enye, nepuo lelo le Dan aarare Leshem, ore ake pee eidip aaibung'a ina kop nepik ninye olalem neya ninye nemany atua, neipot Leshem aajo, Dan; aaipotie enkarna e nkakuyiaa lenye.

⁴⁸Ena ninye enjung'ore o losho le Dan, te risioroto oo lmareita lenyena - kuna anas te nebo inkang'itie enyena kutiti.

⁴⁹Ore ake pee eidip ninche aatoor enkop aitaa injung'oreitin, neisho lelo tung'ana le Israel enjung'ore tiatua ninche Yoshua olayioni le Nuni.

⁵⁰O teina kitanapata o Laitoriani neisho ninche ninye ina anasa natoomonuo, Timnat-sera teina kop oo ldoinyo e Efraim; neitoki ninye ashetu ina anasa nemany atua.

⁵¹Kuna ninche njung'oreitin apa naatoorikitia Eliesa olapolosani o Yoshua olayioni le Nuni o lukuny oo nkajijik oo ltung'ana le Israel, iltung'ana te oshoto e nkukuo te Shilo, te dukuya Olaitoriani, te kutukaji o lng'obor le ntumo. Neaku eidipa apa ninche aatudung enkop.