Read MAASAI REVISED PROTESTANT Ilbrania 6 Bible Online

Ilbrania 6 - MAASAI REVISED PROTESTANT bible

Ilbrania 6

¹Ore naa ematogiroi nkiterunot oo nkiteng'enat e Kristo emaape dukuya aabulu pee meaku aikintoki aaitamanya enkirridunoto naipirta isiaaitin naatuata, o enkirukoto e Nkai,

²o enkiteng'enata e nkisuja o enkiteleikinoto oo nkaik, o empiunoto oo lootuata, o enkiguana oo ntarasi.

³Naa aikiaas kuna pooki eishorua Enkai.

⁴Amu meidimayu neitokini aitasheyie te nkirridunoto lelo ooidipaki aaitawang'a, neishamishama enkishorunoto e keper, netang'arieki Enkiyang'et Sinyati,

⁵neishamishama esupatisho o rorei le Nkai o engolon e ina kata nalotu.

⁶Teneitoki ninche etii nena, aaibelekenya neany eiruk, amu ilo Inoti le Nkai eigil aashe maate nepik enkurruna metalioyu.

⁷Amu ore enkop naok enkare nashaiki nkatitin kumok, nebulaki endaa naret lelo ooturokini, netum emayianata naing'uaa Enkai.

⁸Kake te neiu ilkiku o endiati, neaku pesho nenyikaki oldeket; naa empejoroto eiting'oki.

⁹Ore hoo naa neijia etiu tinikiro, ore te intae, ilanyor laainei, kesipa nchere kiatayie intae osiligi loo mbaa naaikash e njeunoto.

¹⁰Mme Enkai neme asipani metaa kerikino enkisiaayiare inyi o enyorrata nintoduaaitie tialo lelo sinyat ooisiaaisho, neton ake isiaaitata.

¹¹Ekiiyeu neitoduaaya pooki ng'ae linyi enyuaata naikununo neijia pee itumutumu emborei oo sipat o siligi o metabaiki enkiting'oto,

¹²pee miaakuku yietuti, kake ilooduaaya lelo laa te nkirukoto enye o te ng'iriata etujung'o nkisiligat.

¹³Amu ore pee eisho Enkai Abraham enkisiligata naa ore amu meetae likae kitok olang oinosie olmumai, neinosie kewan olmumai,

¹⁴ejo, “Kesipa kaamayian nanu iyie naaponaa.”

¹⁵Neaku ore Abraham, etobiko neng'iri, netum ina naisiligieki.

¹⁶Oltung'ani kitok alang kewan einosie oltung'ani olmumai naa ore te nchankar ake pooki naa olmumai oitadedeyie ina shankar pooki.

¹⁷Neaku ore apa pee eyieu Enkai neitoduaaya tukul nchere meibelekenya enkiguana enye, nepik olmumai,

¹⁸peyie aa too mbaa are nemeibelekenya, naa te nena meidimayu pee eaku Enkai olalejani, kinoto iyiook ilooisikakita aasaru eretoto nagol nikimbung'ie ilo siligi otipikaki dukuya iyiook.

¹⁹Kiata iyiook ena ng'ape nauno naenikino oltau, naa osiligi ojing agiroo oliatua lo lkarasha orish enkaji e Nkai,

²⁰ine neshomo Yesu aituruk te nkaraki iyiook, eidipa ninye ataa olapolosani kitok intarasi to lkerreti le Melkisedek.