Read MAASAI REVISED PROTESTANT 1 Petero 5 Bible Online

1 Petero 5 - MAASAI REVISED PROTESTANT bible

1 Petero 5

¹Neaku airorie ilpayiani ootii atua intae, ara sii nanu olpayian anaa ninche nara olchakeni loo nkisilisilot e Kristo nang'arie enkitoo napuoi aabolu.

²Taramata ntare e Nkai niking'orieki, neme te arakinoto kake te nyorrata ino, neme te dupoto e nkurruna kake te yieunoto

³neme anaa ilaitoriak ooimagarraki lelo ooishooki intae entaramat, kake aaku enkitanyaanyukoto naduaaya intare.

⁴Pee te neboluni ilo Shekut kitok, neishori intae enkopiyia e nkitoo nemejuto emua.

⁵Neijia enkuna sii intae iltung'ana ooti entoning enkitoo inyi, Enchopoki ate intae pooki emborron anaa enkila, nintadouu ate pee isiaayiayia maate, amu keany Enkai iloowuasa, “Kake keisho empiris ilooitadou ate.”

⁶Entadou naa ate ti abori enkaina nagol e Nkai, pee etum ninye ailepie intae te nkata nageluno.

⁷Enteleiki inkolati inyi shumata Ninye, amu kegolie Ninye intae.

⁸Entashololoto nirretenana amu kemanimanaa olmang'atinta linyi, Sheitani, anaa olng'atuny, oikurrukur eing'oru olonya.

⁹Erisha ninye te nkirukoto nauno iyiololo aajo osina laaijo ele eimatie ilalashera linyi te nkop pooki.

¹⁰Ore pee indipidipi aanoto osina le nkiti kata, ore Enkai e mpiris pooki naa ninye naipotoko intae atua enkisisa e nkitoo enye oo ntarasi tiatua Kristo, ninye makewan oramat intae, neitirring'ie miwuatiwuatata neitopok, neitasheyie neitagol intae.

¹¹Metaa enenye enkitoo o enkitoria, intarasi o ntarasi. Eesai.

¹²Te Silvano, olalashe laaijo nanu oisiligayu, atisiraka intae ena kiti palai, pee aitukuj intae naishakenoki intae inchere empiris e Nkai ena nasipa. Entasho emiwuatiwuata tiatua Ninye.

¹³Eiroroki intae esirit natii atua Babilion nageluno sii ninye anaa intae, neijia etiu enkerai ai Marko.

¹⁴Erorokinoto intae maate te ng'ututata e nyorrata. Metijing'a osotua intae pooki ootii atua Kristo.