Read MAASAI REVISED PROTESTANT Embolunoto 10 Bible Online

Embolunoto 10 - MAASAI REVISED PROTESTANT bible

Embolunoto 10

¹Naitoki adol likae malaika edou eing'uaa keper eimulumula te nkatampoi, netii olokirrai shumata endukuya enye, netiu enkomom enye anaa enkolong, neikununo nkejek enyena anaa ng'apeta e nkima.

²Neeta te nkaina enye enkiti piyayati e mbuku nabolo. Neroro te nkeju enye e tatene enaiposha, neroro te ne kedianye enkop natoyio.

³Neipotisho abuaku to ltoilo sapuk, anaa olo lng'atuny oipur. Ore ake pee eipotisho nedaru nena kikurrukurrot naapishana.

⁴Ore pee edar nena kikurrukurrot naapishana, najo aigerisho kake, naning oltoilo oing'uaa keper ejo, “timishira nena naatejo ndarat naapishana, niminger ake.”

⁵Ore ilo malaika latoduaa eitashe te naiposha o te nkop natoyio, neilepakinye enkaina enye e tatene keper.

⁶Nenya ninye olmumai te ilo oishu ntarasi o ntarasi, laa ninye oitaa keper o pooki naatii atua, o enkop o pooki natii atua, o enaiposha oo pooki naatii atua nejo pee meitoki atii enkimutioto.

⁷Kake ore ti atua inkolong'i naaoshi ina tarumpeta, neosh kenya ilo malaika li oopishana neitabari enkisudoroto e Nkai anaa apa enatolikio ninye, isinkan lenyena lelo oibonok.

⁸Ore ilo toilo duoo latoning'o eing'uaa keper, naaitoki airorie, nejo, “Shomo tudumu ilo piyayati le mbuku obolo, otii enkaina e ilo malaika oitashe te naiposha o te nkop natoyio.”

⁹Nalo enetii olmalaika najoki ninye maaishoo nanu ilo piyayati le mbuku. Naajoki ninye nanu, “Tudumu naa inosa. Kelo aduaru te nkoshoke kake kemelok anaa enaisho oo lotorok te nkutuk ino!”

¹⁰Nadumu ilo piyayati le mbuku te nkaina e ilo Malaika. Naa kemelok anaa enaisho te nkutuk ai, kake ore ake pee aaidip ainosa neitaduar enkoshoke ai.

¹¹Naajokini, “Meeta nchere pee mintoki aibonisho too ltung'ana kumok, o too lng'ejepa o laiguanak.”