Read Lamkang Битие 12 Bible Online

Битие 12 - Lamkang bible

Битие 12

¹И му рече Господ на Аврама: »Излези од земјата своја, и од родот свој, и од домот на татка си, па појди во земјата, што ќе ти ја покажам Јас!

²А од тебе ќе направам голем народ, и ќе те благословам, и името твое ќе го прославам и ти ќе бидеш благословен.

³Ќе ги благословам оние, што тебе ќе те благословуваат, и ќе ги проколнам оние, што тебе ќе те проколнуваат и преку тебе ќе бидат благословени сите родови на земјата.«

⁴Тогаш тргна Аврам, како што му кажа Господ, а со него појде и Лот. А Аврам имаше седумдесет и пет години кога излезе од Харан.

⁵И ги зеде Аврам Сара, жената своја, и Лота, братанецот свој, со целиот имот што го беа спечалиле, и луѓето што ги беа придобиле во Харан, па излегоа за да отидат во земјата Хананска.

⁶И Аврам ја измина таа земја во должина дури до Сихем и до високиот даб Мамре; а тогаш во таа замја живееја Хананејци.

⁷И му се јави Господ на Аврама и му рече: »Оваа земја ќе му ја дадам на твоето потомство.« И направи таму Аврам жртвеник на Господа, Кој му се јави.

⁸Потоа оттаму се премести на ридот, на исток од Ветил, и таму го распна шаторот свој; и Ветил му беше од запад, а Гај од исток; и таму Му направи на Господа жртвеник, и го призиваше името Господово, што му се јавуваше.

⁹А оттаму се крена Аврам и се упати кон југ.

¹⁰Но настана глад во таа замја и Аврам слезе во Египет да поживее таму; зашто гладта продолжи во оваа земја.

¹¹И кога наближи да влезе во Египет, ѝ рече на жената своја Сара: »Еве, знам дека си жена лична во лицето.

¹²Затоа, кога ќе те видат Египтјаните, ќе речат — оваа му е жена — . Па ќе ме убијат, а тебе ќе те остават во живот.

¹³Туку кажи, дека си ми сестра, за да ми биде добро покрај табе и да останам жив поради тебе.«

¹⁴И кога влезе Аврам во Египет, Египтјаните видоа дека жената е многу убава.

¹⁵Ја видоа и првенците Фараонови, па ја пофалија пред Фараонот. И жената беше одведена во дворот Фараонов.

¹⁶И заради неа тој му правеше добро на Аврама; имаше овци, говеда, осли, слуги, слугинки, маски и камили.

¹⁷Но Бог пушти големо зло на Фараонот и на неговиот дом поради Сара, жената Аврамова.

¹⁸Тогаш Фараонот го повика Аврама и му рече: »Зошто ми го направи тоа? Оти не ми кажа дека ти е жена?

¹⁹Зошто рече — сестра ми е — па сакав да ја земам за жена. Сега, пак, ете ти ја жената, земи си ја и оди си!«

²⁰И Фараонот определи луѓе, кои го испратија Аврама и жената негова, со сѐ што имаше, и Лота со него.