Read Lamkang Битие 36 Bible Online

Битие 36 - Lamkang bible

Битие 36

¹А ова е родословот на Исава, кој се вика и Едом

²Исав се ожени со ќерките ханански: Ада, ќерка на Елома Хетеецот, и Оливема, ќерката на Ананиј, синот на Севегона Евеецот.

³И со Васемата, ќерката Исмаилова, сестрата на Навајот.

⁴Ада му го роди на Исава Алифаса, а Васемата го роди Рагуила.

⁵Оливема, пак го роди Јеуса, Јеглома и Кореја. Тоа се синовите Исавови, кои му се родија во земјата Хананска.

⁶И Исав ги зеде жените свои, и синовите свои, и ќерките свои и сите домашни свои, и стадата свои, и сиот добиток свој, и сето богатство свое, и сѐ што го беше добил во земјата Хананска, па отиде Исав од земјата Хананска во друга земја, далеку од Јакова, братот свој.

⁷Оти, богатствата им беа многу големи, па не можеа да живеат заедно; ниту земјата, во која беа придојдени, можеше да ги прибере, поради многуте стада.

⁸И се насели Исав, наречен Едом, на гората Сеир.

⁹Ете, тоа е племето Исавово, татко на Едомците на гората Сеир.

¹⁰Еве ги имињата на синовите Исавови: Елифас, син на Ада, жена Исавова, и Рагуил, син на Васемата, жена Исавова.

¹¹А Елифасови синови беа: Теман, Омар, Софар, Готом и Кенез.

¹²Тамна беше наложница на Елифас, синот Исавов, и му го роди на Елифаса Амалик. Тоа се синовите на Ада, жената Исавова.

¹³А ова се синовите Рагуилови: Нахот, Заре, Соме и Мозе. Тоа беа синовите на Васемата, жената Исавова.

¹⁴Синовите, пак, на Оливема, ќерката на Ананија, жената Исавова: синот Севегонов; таа му ги роди на Исава Јеуса, Јеглома и Кореја.

¹⁵А ова се старешините Исавови: синовите на Елифас, првенецот Исавов: старешината Теман, старешината Омар, старешината Софар, старешината Кенез,

¹⁶старешината Кореј, старешината Готом, старешината Амалик. Тоа се старешините од Елифас во земјата Едомска, кои се синови Адини.

¹⁷Ова се, пак, потомците на Рагуила, синот Исавов: старешината Нахот, старешината Заре, старешината Соме, и старешината Мозе. Тоа се старешините од Рагуила во земјата Едомска; тие се синови на Васемата, жената Исавова.

¹⁸А потомци на Оливема, жената Исавова: старешината Јеус, старешината Јеглом, старешината Кореј. Тоа се старешините од Оливема, ќерката на Ананиј, жена Исавова.

¹⁹Тоа беа синовите Исавови, и старешините нивни, кои се синови Едомови.

²⁰Еве ги синовите на Хореецот Сеир, кои живееја во онаа земја: Лотан, Совал, Севегон и Ана.

²¹Дисон, Асар и Рисон. Тие се старешини на Хореовиот син Сеир во земјата Едомска.

²²А синови Лотанови беа: Хориј и Еман; сестра, пак, Лотанова беше Тамна.

²³Ова се, пак, синовите Совалови: Голам, Манахат, Говил, Софар, и Омар.

²⁴Синови на Севегон беа: Аиј и Ана. Тој е оној Ана, кој ги пронајде топлите извори во пустињата, кога ги пасеше ослите на Севегон, таткото свој.

²⁵Деца, пак, Ананиеви се: Дисон и Оливема, ќерката на Ана.

²⁶А ова се синовите Дисонови: Амад, Асван, Итран и Харан.

²⁷Асванови синови беа: Валам, Зеван и Акан.

²⁸Синови, пак, на Рисона беа: Уз и Аран.

²⁹Еве ги старешините на Хорејците: старешината Лотан, старешината Совал, старешината Севегон, старешината Ана,

³⁰старешината Дисон, старешината Асар, старешината Рисан. Тоа се старешините на Хорејците, според старешинствата во земјата Сеир.

³¹А ова се царевите, кои царуваа во Едом, пред да стануваат цареви синовите Израилеви:

³²во Едом царуваше Валак, синот Веоров, а градот се викаше Денава.

³³А кога умре Валак, по него се зацари Јовав, синот Зарин од Восор.

³⁴По смртта на Јовав, се зацари Асом од земјата Теманска.

³⁵А кога умре Асом, на негово место се зацари Адад, синот Варадов, кој ги порази Мадијамците во полето Моавско, а градот се викаше Гетен.

³⁶Умре и Адад, а на негово место се зацари Самада од Масекас.

³⁷По смртта на Самада се зацари Саул од Ровот, кој се наоѓа крај река.

³⁸А кога умре Саул, на негово место се зацари Валенон, синот Аховоров.

³⁹Умре и Валенон, синот на Аховор, а на негово место се зацари Адар, синот Варадов, а градот му се викаше Фогор. Името на жената негова ѝ беше Метевеил, ќерка на Матраида, син Мезевев.

⁴⁰Еве ги имињата на старешините Исавови, според племињата нивни, по народите нивни, по местата нивни: старешината Тамна, старешината Гола, старешината Јетер,

⁴¹старешината Оливема, старешината Ила, старешината Финон,

⁴²старешината Кенез, старешината Теман, старешината Мазар,

⁴³старешината Магедил, старешината Зафој. Тоа се Едомски старешини според населбите во нивната земја. Исав им беше татко на Едомците.