Read Lamkang Битие 4 Bible Online

Битие 4 - Lamkang bible

Битие 4

¹Потоа Адам ја позна жената своја Ева, која зачна и го роди Каина, и рече: »Придобив човек од Господа!«

²Го роди уште и брата му Авела. И Авел стана овчар, а Каин беше земјоделец.

³По некое време Каин му принесе на Господа дар од плодовите земни;

⁴а и Авел исто така принесе од првината на стадото свое и од маста. И Господ погледна милозливо на Авела и на неговите дарови;

⁵а на Каина и на неговите дарови не погледна милозливо. Затоа Каин се огорчи многу, и лицето му потемне.

⁶Тогаш му рече Господ Бог на Каина: »Зошто се огорчи? Зошто се помрачи лицето твое?

⁷Зарем, кога правиш добро, не го креваш ли лицето? А ако не правиш добро, тогаш гревот е пред вратата: тој те влече кон себе, но ти надвладај го!«

⁸И му рече Каин на својот брат Авела: »Да појдеме в поле!« А кога беа во полето, Каин скокна на Авела, братот свој, и го уби.

⁹Тогаш му рече Господ Бог на Каина: »Каде е братот твој, Авел?« А тој одговори: »Не знам; зар сум јас чувар на братот мој?«

¹⁰А Господ рече: »Што направи? Чуј! Гласот на крвта од братот твој вика од земјата кон Мене.

¹¹Затоа да си проклет од земјата, што ја отвори устата своја да ја прими крвта на братот од раката твоја.

¹²Кога ќе ја обработуваш земјата, таа нема повеќе да ти ја дава својата сила; ти ќе бидеш изгнаник и скитник по земјата!«

¹³А Каин му рече на Господа: »Казната моја е толку голема, што не може да се носи.

¹⁴Ете, данес ме истеруваш од лицето на земјата, и од лицето Твое ќе се кријам и ќе бидам изгнаник и скитник по земјата: значи, секој што ќе ме сретне, ќе ме убие.«

¹⁵А Господ Бог му рече: »Тоа нема да се случи; оти, кој ќе го убие Каина, седумпати ќе се казни!« И му стави Господ Бог знак на Каина, за да не го убие никој, кој ќе го сретне.

¹⁶И си отиде Каин од пред лицето на Господа, и се насели како изгнаник во земјата Наит, источно од Едем.

¹⁷И ја позна Каин жената своја, а таа забремени и го роди Еноха. Потоа соѕида град и го нарече според името на својот син Енох.

¹⁸На Еноха му се роди Гајдад; а Гајдад го роди Малелеила; Малелеил, пак, го роди Матусала, а Матусал го роди Ламеха.

¹⁹Ламех зеде две жени: на едната ѝ беше името Ада, а на другата Села.

²⁰Ада го роди Јовила, а од него се изродија оние, што пасат добиток и живеат под шатори.

²¹А на братот негов името му беше Јувал; од него се народија гуслари и свирачи.

²²Села, пак, го роди Товела, кој беше ковач на секакви работи од бакар и железо; а сестра на Товела му беше Ноема.

²³И им рече Ламех на жените свои, Ада и Села: »Чујте го гласот мој, жени Ламехови; послушејте ги зборовите мои: ќе убијам човек, кој ќе ме рани, и младич, ако ме удри.

²⁴Ако Каин ќе се одмазди седумпати, Ламех ќе се одмазди седумдесет и седумпати!«

²⁵Адам, пак, ја позна жената своја, и таа му роди син, и му даде име Сит. Зашто рече: »Господ ми даде син место Авела, кого го уби Каин.«

²⁶И на Сит му се роди син, кого го нарече Енос. Тогаш почна да се призовува името на Господа Бога.