Read Lamkang Битие 5 Bible Online

Битие 5 - Lamkang bible

Битие 5

¹Ова е родословот на Адама. Кога Бог го создаде човекот, го создаде според образот Божји.

²Маж и жена ги создаде, и ги благослови, и ги нарече — човек — во денот кога беа создадени.

³Адам поживе двесте и триесет години, кога му се роди син според подобието свое и според образот свој, и му даде име Сит.

⁴А откако го роди Сита, Адам поживе уште седумстотини години, раѓајќи синови и ќерки.

⁵И сите денови, што ги поживе Адам, изнесуваа деветстотини и триесет години; потоа тој умре.

⁶Сит, пак, поживе двесте и пет години и му се роди Енос.

⁷По раѓањето на Еноса, Сит живееше уште седумстотини и седум години, раѓајќи синови и ќерки;

⁸така поживе Сит вкупно деветстотини и дванаесет години; и умре.

⁹Енос, пак, живееше сто и дваесет години, кога му се роди Каинан.

¹⁰А откако го роди Каинана, Енос живееше уште седумстотини и петнаесет години, раѓајќи синови и ќерки;

¹¹и така сите денови на Еносовиот живот изнесуваа деветстотини и пет години; потоа тој умре.

¹²Каинан, пак, поживе сто и седумдесет години и го роди Малелеила;

¹³а по раѓањето на Малелеила Каинан живееше уште седумстотини и четириесет години, раѓајќи синови и ќерки.

¹⁴И така Каинан поживе вкупно деветстотини и десет години; и умре.

¹⁵А Мелелеил поживе сто шеесет и пет години, и го роди Јареда.

¹⁶По Јаредовото раѓање Малелеил живееше уште седумстотини и триесет години, раѓајќи синови и ќерки.

¹⁷А сите денови од животот на Малелеила беа осумстотини деведесет и пет години; потоа тој умре.

¹⁸Јаред, пак, поживе сто и шеесет години и го роди Еноха;

¹⁹а откако го роди Еноха, Јаред живееше уште осумстотини години, раѓајќи синови и ќерки.

²⁰Сите денови, пак, од животот на Јареда изнесуваа деветстотини шеесет и две години; и умре.

²¹Енох, откако поживе сто шеесет и пет години, го роди Матусала;

²²а по раѓањето на Матусала, Енох одеше според волјата Божја двесте години, раѓајќи синови и ќерки.

²³А сите денови од Еноховиот живот изнесуваа триста шеесет и пет години.

²⁴И Енох, живеејќи според волјата Божја, исчезна, бидејќи Бог го зеде.

²⁵Матусал, пак, поживе сто осумдесет и осум години, и го роди Ламеха;

²⁶па, откако го роди Ламеха, Матусал живееше уште седумстотини осумдесет и две години, раѓајќи синови и ќерки;

²⁷а сите денови од животот на Матусала беа деветстотини шеесет и девет години; потоа умре.

²⁸Ламех, пак, откако поживе сто осумдесет и две години, доби син.

²⁹и го нарече Ное, велејќи: овој ќе нѐ утеши во работите наши и во трудот на рацете наши на земјата, што Господ Бог ја проколна.

³⁰А откако се роди Ное, Ламех поживе уште петстотини шеесет и девет години, раѓајќи синови и ќерки.

³¹Така поживе Ламех вкупно седумстотини педесет и три години; и умре.

³²Ное имаше петстотини години, кога ги роди трите сина: Сима, Хама и Јафета.