Read Lamkang 2 Царства 4 Bible Online

2 Царства 4 - Lamkang bible

2 Царства 4

¹Сауловиот син Јевостеј, откако чу, дека Авенир умрел во Хеврон, му отпаднаа рацете, и целиот Израил се збуни.

²Сауловиот син Јевостеј имаше двајца воени началници; едниот се викаше Вана, а другиот — Рихав, синови на Вееротеецот Ремон, од Венијаминовите потомци, бидејќи и Веерот се вбројуваше кон Венијамина.

³И Вееротците избегаа во Гитаим и таму останаа како придојдени до денес.

⁴Јонатан, Сауловиот син, имаше син куц. Синот беше на пет години, кога од Израил дојде известување за Саула и Јонатана, а хранителката, откако го зела, избегала. Бидејќи таа бегала брзо, тој паднал и останал сакат. Името му беше Мемфивостеј.

⁵И синовите на Вееротеецот Ремон, Рихав и Вана, тргнаа и стигнаа по најголемата дневна горештина до куќата на Јевостеј, којшто спиеше попладне во леглото свое.

⁶А вратарот на куќата, кој чистеше пченица, беше задремал и заспал; Рихав и братот негов Вана влегоа во куќата, ѓоа да земат пченица, го прободоа во стомахот и избегаа.

⁷Кога тие влегоа во куќата, Јевостеј лежеше на леглото свое, во својата спална; тие го удрија и го убија; ја пресекоа главата негова, ја зедоа со себе и цела ноќ одеа по пустињскиот пат;

⁸му ја донесоа на Давида во Хеврон Јевостеевата глава и му рекоа на царот: »Еве ја главата на Јевостеј, синот на Сула, твојот непријател, којшто ја бараше душата твоја; сега Господ се одмазди за мојот господар — царот Саула (твојот непријател) и на потомството негово.«

⁹Давид му одговори на Рихава и на братот негов Вана, синови на Вееротеецот Ремон, и им рече: »Жив е Господ, Кој ја спаси душата моја од секаква жалост!

¹⁰Ако тогаш, којшто ми донесе известување, велејќи: ‚Ете, умре Саул и Јонатан‘, и којшто се мислеше за радосен известител, јас го фатив и го убив во Секелаг, неместо да му дадам награда,

¹¹тоа сега, кога невредници убија невин човек во куќата негова, во неговото легло, зар нема да ја побарам крвта негова од вашата рака и нема да ве истребам од земјата?«

¹²И Давид им заповеда на слугите, и тие ги убија, им ги пресекоа рацете и нозете нивни и ги обесија крај базенот за вода во Хеврон. А Јевостеевата глава ја зедоа и ја погребаа во гробот на Авенир во Хеврон.