Read Lamkang 2 Царства 9 Bible Online

2 Царства 9 - Lamkang bible

2 Царства 9

¹И рече Давид: »Ако останал уште некој од Сауловиот дом, јас би му направил милост заради Јонатана.«

²Во Сауловиот дом имаше еден слуга, по има Сива; го повикаа кај Давида, и царот го праша: »Ти ли си Сива?« Тој одговори: »Јас сум твојот слуга«.

³и царот продолжи и рече: »Нема ли уште некој од Сауловиот дом? Би му направил милост Божја?« А Сива му одговори на царот: »Има еден Јонатанов син, кој е сакат.«

⁴Царот го праша: »Каде е тој?« Сива му одговори на царот: »Ете, тој е во куќата на Махира, Амиеловиот син, во Лодевар.«

⁵Тогаш цар Давид испрати, та го зедоа од куќата на Махира, Амиеловиот син, од Лодевар.

⁶И Мемфивостеј, син на Јонатана, Саулов син, дојде при Давида, падна ничкум и му се поклони на царот. И рече Давид: »Мемфивостеј!« Тој одговори: »Еве, твој слуга сум јас.«

⁷И Давид му рече: »На плаши се; јас ќе ти направам милост заради татка ти Јонатана и, ќе ти ги вратам сите ниви на деда ти Саула, а ти секогаш ќе јадеш леб на мојата трпеза.«

⁸Се поклони Мемфивостеј и рече: »Што е твојот слуга, та погледна милостиво на така мртов пес како мене?«

⁹А царот го повика Сива, Сауловиот слуга, па му рече: »Сѐ што му припаѓаше на Саула и на целиот негов дом, му го давам на синот на твојот господар;

¹⁰обработувај ја, впрочем, за него земјата, ти, со твоите синови и твоите слуги, и донесувај ги плодовите најзини, за да има синот на господарот твој леб за исхрана; а Мемфивостеј, синот на господарот твој, секогаш ќе јаде на мојата трпеза.« Сива имаше петнаесет синови и дваесет слуги.

¹¹Тогаш му рече Сива на царот: »Си што му заповеда мојот господар-царот на својот слуга, тој ќе го изврши.« Мемфивостеј јадеше на трпезата Давидова како еден од царските синови.

¹²Мемфивостеј имаше малолетен син по има Миха. Сите, што живееја во куќата на Сива, беа слуги на Мемфивостеј.

¹³И Мемфивостеј живееше во Ерусалим, бидејќи секогаш јадеше на царската трпеза. Тој беше сакат во обете нозе свои.