Read Lamkang 1 Летописи 12 Bible Online

1 Летописи 12 - Lamkang bible

1 Летописи 12

¹Еве ги оние кои исто така дојдоа при Давида во Сикелаг, кога тој уште се криеше од Кисовиот син Саула; тие беа од јунаците, што помагаа во борбата,

²вооружени со лак, фрлаа со десната и со левата рака камења и пуштаа стрели со лак, беа од браќата Саулови, од Венијамина;

³кнез беше Ахизер, по нека Јоас, синови на Сама од Гива; Јазиил и Фалит, синови Замотови; Варихија и Јуј од Анатот;

⁴Самија од Гаваон, јунак од триесетмина и водач на триесетмината; Еремија, Језекил, Јоанан и Јозават од Гадара;

⁵Елиозиј, Јеримут, Валија, Самарија, Сафатија од Аруфа;

⁶Елкана, Јесија, Уелиил, Језар, и Јесвал, од Кореевците;

⁷и Јоил и Завадија, синови на Јероама, од Гедор.

⁸При Давида во крепоста, во пустињата дојдоа мажи јунаци, од Гадовците, воинствени, вооружени со штит и копје; лицата нивни — лицата лавовски, брзи како елени в гора.

⁹Главен беше Азер, втор Авдија, трет — Алијад.

¹⁰четврти Масман, петти — Јеремија,

¹¹шести — Јетија, седми — Елиил,

¹²осми Јоанан, деветти — Елзавал,

¹³десетти — Јеремија, единаесетти — Махавенај.

¹⁴Тие, синовите Гадови, беа војводи во војската: најмалиот над сто души, а најголемиот над илјада.

¹⁵Тие минаа преку Јордан во првиот месец, кога тој се излива од бреговите свои, и ги прогонија сите оние што живееја во долините кон исток и запад.

¹⁶Исто така и синовите Венијаминови и Јудини дојдоа во тврдината при Давида.

¹⁷Давид излезе да ги пресретне и им рече: »Ако сте дошле со мир при мене, за да ми помагате, тогаш јас и вие да имаме едно срце; но, ако доаѓате, за да ме предадете со заговор на непријателите мои, кога нема во рацете мои неправда, Бог на татковците наши нека види и нека суди.«

¹⁸И дух го опфати Амасија, водачот на триесеттемина, и тој рече: »Мир на тебе, Давиде, мир со тебе сине Јесеев! Мир на тебе, мир и на твоите помошници! Зашто твојот Бог ти помага.« Тогаш Давид ги прими и ги постави на чело на војската.

¹⁹И од Манасиевото племе преминаа некои кон Давида, кога војуваше со Филистејците против Саула. Но Давид не им помогна на Филистејците, зашто војводите Филистејски, откако се посоветуваа, го испратија велејќи: »За наше зло, тој ќе побегне при својот господар Саула.«

²⁰Кога се враќаше Давид во Сикелаг, прибегнаа кон него племињата Манасиеви: Еднај, Јозавад, Михаил, Јосафат, Једиил, Елиу, Салатиј, илјадници кај Манасиевите.

²¹Тие му помагаа на Давида против четите на Гедур, зашто сите беа мажи храбри и беа началници на војската.

²²Така секој ден придоаѓаа кај Давида на помош до толку, што неговата војска стана голема како војската Божја.

²³Еве го бројот на кнезовите во војската, што дојдоа при Давида во Хеврон, за да му го предадат царството Саулово, според словото Господово;

²⁴Јудини синови, што носеа штит и копје, имаше подготвени за војна шест илјади и осумстотини;

²⁵од синовите Симеонови, мажи храбри, имаше во војската седум илјади и сто;

²⁶од синовите Левиеви — четири илјади и шестотини;

²⁷дојде и Јодај, кнез од Ароновиот род, и со него три илјади и седумстотини;

²⁸и Садок, храбар јунак, и родот негов — дваесет и двајца кнезови;

²⁹од синовите Венијаминови, браќата Саулови, дојдоа три илјади; но уште многумина од нив му веа верни на Сауловиот дом;

³⁰од синовите Ефремови — дваесет илјади и осумстотини храбри јунаци, мажи прочуени во родовите свои;

³¹од полуплемето Манасиево — осумнаесет илјади, кои поименично беа повикани, за да одат да го зацарат Давида;

³²од синовите Исахарови дојдоа мажи разумни, кои ги познаваа времињата и знаеја кога и што треба да изврши Израилот; тие беа двесте кнезови, и сите браќа нивни одеа по зборовите нивни;

³³од племето Завулоново имаше готови за борба, вооружени со секакви воени оружја, педесет илјади, во строј, еднодушни;

³⁴од племето Нефталимово — илјада војводи и со нив триесет и седум илјади со штитови и копја;

³⁵од племето Даново — дваесет и осум илјади и шестотини, спремни за војна;

³⁶од Асира — четириесет илјади војници, подготвени за борба;

³⁷од онаа страна на Јордан, од племето Рувимово и Гадово и од полуплемето Манасиево, сто и дваесет илјади, со секакво воено оружје.

³⁸Сите тие борци, наредени во строј, дојдоа со полно срце во Хеврон, за да го зацарат Давида над целиот Израил. Па и сите други Израилци беа еднодушни да го зацарат Давида.

³⁹И останаа таму при Давида три дена, јадеа и пиеја, зашто браќата им беа подготвиле сѐ за нив;

⁴⁰па и оние што беа поблиску до нив, дури до Исахаровото, Завулоновото и Нефталимовото племе, им донесуваа на осли, камили, маски и волови сѐ за јадење: брашно, смокви, суво грозје, вино и елеј, како и многу ситен и крупен добиток, бидејќи радоста беше голема за Израилот.