Read Lamkang 1 Летописи 14 Bible Online

1 Летописи 14 - Lamkang bible

1 Летописи 14

¹Тирскиот цар Хирам испрати при Давида пратеници, кедрови дрвја, и каменоделци, за да му изградат дом.

²Откако разбра Давид, дека Господ го утврдил за цар над Израилот, дека царството негово се воздигнува високо, заради народот негов Израилот.

³тој си зеде уште жени во Ерусалим, и му се родија уште синови и ќерки.

⁴Еве ги имињата на оние, што му се родија во Ерусалим: Сам, Совав, Натан и Соломон,

⁵Јевеар, Елисуј, Елифалет,

⁶Нагед, Нафат, Јафија,

⁷Елисам, Валијад, Елифалет.

⁸И слушнаа Филистејците, дека Давид бил помазан за цар над целиот Израил, и сите тие се кренаа да го бараат Давида. А Давид, откако разбра, излезе против нив.

⁹Филистејците дојдоа и се распоредија во Рефаимската долина.

¹⁰Давид го праша Бога, велејќи: »Да одам ли против Филистејците, и ќе ги предадеш ли во рацете мои?« Господ му одговори: »Оди, Јас ќе ги предадам во рацете твои.«

¹¹Тие отидоа во Ваал-Фарасин, и таму ги порази Давид. И рече Давид: »Бог ги пресече моите непријатели преку раката моја како воден пролом.« Затоа и го нарекоа тоа место Ваал-Фарасин.

¹²И Филистејците ги оставија боговите свои таму, а Давид заповеда, та ги изгореа со оган.

¹³И пак дојдоа Филистејците и се улогорија во долината.

¹⁴Давид пак го праша Бога, и Бог му одговори: »Не оди право во пресрет нивни, туку скршни од нив и оди кон нив откај црниците;

¹⁵и кога ќе чуеш шум како од врвеж по црничини врвови, тогаш почни ја борбата, зашто Бог ќе излезе пред тебе, за да го порази филистејскиот логор.«

¹⁶Давид направи така, како што му заповеда Господ, и го порази филистејскиот логор, од Гаваон до Газер.

¹⁷И Давидовото име се разнесе по сите земји, и Господ го направи страшно за сите народи.