Read Lamkang 1 Летописи 16 Bible Online

1 Летописи 16 - Lamkang bible

1 Летописи 16

¹Го донесоа Ковчегот Божји и го поставија среде скинијата, што ја беше направил Давид за него и му принесе на Бога жртви сепаленици, и мирни жртви.

²Кога Давид заврши со сепалениците и принесувањето на мирни жртви, го благослови народот во името Господово,

³и им раздаде на сите Израилци, и на мажи и на жени, по еден леб, по едно парче месо и по чаша вино.

⁴Тогаш постави тој на служба пред Ковчегот Господов некои од левитите, за да славословат, да благодарат и да Го превознесуваат Господа, Бога Израилев:

⁵Асафа — за раководител, втор по него — Захарија, Јеила, Семирамота, Јеила, Мататија, Елијава, Ванеја, Авдедома и Јеила со псалтири и гусли, и Асафа — да свири на кимвали,

⁶а Ванеја и Озила, свештеници, — да трубат постојано пред Ковчегот на заветот Божји.

⁷Во тој ден Давид за првпат даде псалм за савословие на Господа преку Асафа и браќата негови:

⁸»Славете Го Господа, разгласувајте го името Негово; кажувајте ги делата Негови меѓу народите;

⁹пејте Му, свирете Му; раскажувајте за сите негови чудеса;

¹⁰фалете се со Неговото свето име; нека се весели срцето на оние, кои Го бараа Господа;

¹¹побарајте Го Господа и силата Негова, барајте го непрастајно лицето Негово,

¹²спомнувајте ги чудесата, што ги изврши, знаците Негови и судовите од устата Негова;

¹³вие, семе Израилево, слуги Негови, синови Јаковови, избраници Негови!

¹⁴Он е Господ, Бог наш; Неговите сугови се по целата земја.

¹⁵Помнете го вечно заветот Негов, словото, што го заповеда за илјада родови,

¹⁶она, што му го вети на Авраама и во кое му се колнеше на Исака.

¹⁷Он му ја постави на Јакова за закон и на Израилот за вечен завет,

¹⁸велејќи: ‚Тебе ќе ти ја дадам земјата Хананска, како ваш наследен дел.‘

¹⁹Тие тогаш беа малубројни, оти се намалија и во неа беа придојдени,

²⁰и преминуваа од народ кон народ и од едно царство кон друго племе;

²¹но не дозволи никому да ги навредува и ги изобличуваше заради нив царевите:

²²‚не допирајте се до Моите помазаници и не правете им зло на Моите пророци.‘

²³Пеј Му на Господа, цела земјо, благовестете го од ден во ден спасението Негово.

²⁴Разгласувајте ја меѓу незнабошците славата Негова, и меѓу сите луѓе чудесата Негови,

²⁵зашто Господ е голем и многу треба да Го хвали, пострашен од сите богови.

²⁶Оти сите богови на народите се ништо, а Господ ги создаде небесата.

²⁷Слава и величие пред лицето Негово, сила и радост во Неговото Свето место.

²⁸Воздајте Му на Господа, племиња народни, воздајте Му на Господа слава и чест.

²⁹Воздајте Му ја на Господа славата на името Негово. Замете дар, одете пред лицето Негово, поклонете Му се на Господа со влелепие во светлината Негова.

³⁰Трепери пред Него, цела земјо, зашто Он ја основа вселената, и таа нема да се разниша.

³¹Нека се веселат небесата, да торжествува земјата, и нека се вели меѓу народите: ‚Господ царува!‘

³²Нека се бранува морето и сѐ што го исполнува, да се радува полето и сѐ што е на него.

³³Да ликуваат заедно сите дрвја во дубравите пред лицето на Господа, зашто Он доаѓа да ја суди земјата.

³⁴Славете Го Господа, зашто милоста Му е засекогаш,

³⁵и речете: ‚Спаси нѐ, Боже, Спасителе наш! Собери нѐ и избави нѐ од народите, за да го славиме Твоето свето име и да се фалиме со Твојата слава!‘

³⁶Благословен Господ, Бог Израилев, отсекогаш и засекогаш!« И сиот народ рече: »Амин, алулуја!«

³⁷Давид ги остави таму, пред Ковчегот на Заветот Господов, Асафа и браќата негови, за да служат пред Ковчегот постојано, секој ден,

³⁸Авдедон и браќате негови, шеесет и осум души; Авдедом, син Идитунов, и Оса — за вратари;

³⁹а свештеникот Садок и браќата негови свештеници ги остави пред Господовиот дом, што беше на висината на Гаваон,

⁴⁰за да принесуваат жртви на Господа врз жртвеникот за сепаленици постојано — наутро и навечер, и за сѐ што е пишано во законот на Господа, што Он му го даде на Израилот;

⁴¹и со нив Емана и Идитума и другите избраници, кои беа именувани посебно, за да Го слават Господа, зашто милоста Негова е засекогаш.

⁴²Со нив Емана и Идитума да Го слават Бога, свирејќи со труби и кимвали и со разни свирки; а синовите Идитумови ги постави при вратата.

⁴³Потоа се разотиде сиот народ, секој во домот свој; си отиде и Давид, за да го благослови својот дом.