Read Lamkang 1 Летописи 23 Bible Online

1 Летописи 23 - Lamkang bible

1 Летописи 23

¹Кога остаре и се засити од животот, Давид го постави за цар над Израилот синот свој Соломона.

²И ги собра сите кнезови израилски, свештениците и левитите;

³а левитите од триесет години и нагоре беа преброени: бројот нивни, на сите до еден, беше триесет и осум илјади души.

⁴Од нив беа определени за работа во домот Господов дваесет и четири илјади, писари и судии — шест илјади,

⁵четири илјади вратари и четири илјади, оние што ќе Го слават Господа со свирки, направени од Давида за прославување на Господа.

⁶И ги раздели Давид на смени според Левиевите синови — Гирсона, Ката и Мерарија.

⁷Од Гирсоновите беа: Ладан и Семеј.

⁸Синови Ладанови: прв Јеил, Зетам и Јоил — тројца.

⁹Синови Семееви: Саломит, Азиил и Арам — тројца. Тие беа Ладанови родовски старешини.

¹⁰А и уште синовите Семееви: Јет, Зизај, Јоас, Верија. Тоа беа синови Семееви — четворица.

¹¹Јед беше главен, Зизај втор; Јоас и Верија имаа малку деца, затоа беа приброени со татковиот дом.

¹²Синовите Катови: Амврам, Исар, Хеврон и Озил — четворица.

¹³Синовите Амврамови: Арон и Мојсеј. Арон беше определен да биде посветен при Свјатаја Свајтих довека, тој и синовите негови, за да кадат пред лицето на Господа, да Му служат и да го благословуваат Неговото име довека.

¹⁴А Мојсеј, човек Божји, и синовите негови беа придодадени кон Левиевото племе.

¹⁵Синови Мојсееви: Гирсон и Елиезер.

¹⁶Синови Гирсонови: прв беше Суваил.

¹⁷Синови Елиезерови беа: прв Равија. Други синови Елиезер немаше; а Равија имаше многу синови.

¹⁸Синови Исахарови: прв Салумот.

¹⁹Синови Хевронови: прв Јериав, втор Амарија, трет Јазиил и четврти Језекија.

²⁰Синови Озиилови: прв Миха и втор Јесија.

²¹Синови Мерариеви: Моли и Муси. Синови Молиеви: Елеазар и Кис.

²²Елеазар умре и немаше синови, туку само ќерки; и се оженија со нив синови Кисови, нивни братучеди.

²³Синови Мусиеви: Моли, Едер и Јаримот — тројца.

²⁴Тоа беа синовите Левиеви според домовите на татковците нивни, глави на домовите, што беа преброени поименично, сите до еден, а кои ги вршеа службите во домот Господов, од дваесет години нагоре.

²⁵Зашто Давид рече: »Господ, Бог Израилев, му даде мир на својот народ и го насели во Ерусалим засекогаш,

²⁶та левитите нема да имаат потреба да ја носат скинијата и секакви нејзини предмети за служење во неа.«

²⁷Затоа, според последните Давидови заповеди, беа преброени левитите од дваесет години и нагоре,

²⁸за да бидат при синовите Аронови, да служат во домот Господов, во дворот и во тремовите, да пазат на чистота во целото светилиште и да вршат секоја служба во Божјиот дом;

²⁹да ги надгледуваат лебовите на предложението, пченично брашно за лебен принос, пресни пити, сѐ печено и пржено и над сите мерки и тежини;

³⁰да почнуваат секое утро да благодарат и да Го славословат Господа, како и навечер,

³¹при сите сепаленици, принесувани на Господа во саботни дни, во новомесечијата и во празниците според бројот, како што е заповедано за нив, — постојано пред лицето на Господа, —

³²и да ја пазат скинијата на сведоштвото, светилиштето и синовите Аронови нивни браќа, при службите во домот Господов.