Read Lamkang 1 Летописи 24 Bible Online

1 Летописи 24 - Lamkang bible

1 Летописи 24

¹Еве го и распоредот на синовите Аронови: Ароновите синови: Надав, Авиуд, Елеазар и Итамар.

²Надав и Авиуд умреа пред таткото свој, а синови немаа, затоа свештенодејствуваа Елеазар и Итамар.

³И Давид ги распореди: Садока — од синовите Елеазарови, и Авимелеха — од синовите Итамарови, според редот на службите нивни.

⁴И се најде, дека меѓу синовите Елеазарови имаше повеќе старешини, отколку меѓу синовите Итамарови. И тој ги распореди вака: од синовите Елеазарови — шеснаесет старешини, а од синовите Итамарови — осум.

⁵А ги распоредуваше со жреб, зашто старешините во светилиштето и старешините пред Бога беа од синовите Елеазарови и од синовите Итамарови;

⁶и ги запиша Семаја, синот Натанаилов, писар од левитите, пред лицето на царот и кнезовите и пред свештениците Садока и Авимелеха, Авијатаровиот син, и пред старешините на свештеничките и левитските домови: кога се фрлаше жреб, зедоа еден од Елеазаровиот род, потоа зедоа еден од Итамаровиот род.

⁷Првиот жреб падна на Јоарима, вториот за Једија,

⁸третиот — за Харива, четвртиот — за Сеорима,

⁹петтиот — за Мелхија, шестиот — за Мејамина,

¹⁰седмиот — за Акоса, осмиот — за Авија,

¹¹деветтиот — за Јисуја, десеттиот за Сехенија,

¹²единаесеттиот — за Елијасива, дванаесеттиот — за Јакима,

¹³тринаесеттиот — за Офаја, четиринаесеттиот — за Јасваја,

¹⁴петнаесеттиот — за Велгија, шеснаесеттиот — за Емира,

¹⁵седумнаесеттиот — за Езира, осумнаесеттиот — за Афисиса,

¹⁶деветнаесеттиот — за Фетија, дваесеттиот — за Језекиила,

¹⁷дваесет и првиот — за Јахина, дваесет и вториот — за Гамуила,

¹⁸дваесет и третиот — за Далеја, дваесет и четвртиот — за Леила.

¹⁹Тоа беше нивниот ред при службата нивна за доаѓање во домот Господов, според наредбата за нив, наредено од таткото нивни Арона, како што му беше заповедал Господ, Бог Израилев.

²⁰Кај другите Левиеви синови распоредот беше: од синовите Амврамови — Соваил; од Соваиловите синови — Јадаја;

²¹од Равинија синот Јесија беше прв;

²²од Исахара — Соломот; од Соломотовите синови — Јад;

²³од синовите Јетови, прв беше Јериј, втор — Амадија, трет Јазиил, четврти — Јекмоам.

²⁴Од Озииловите синови — Миха; од Миховите синови — Самир.

²⁵Брат на Миха беше Исија; од Исиевите синови — Захарија.

²⁶Од синовите Мерариеви — Моли и Муси; од синовите Озиини — Ваниј.

²⁷Синови Мерариеви од Озија — Јесом, Закхур и Јовди.

²⁸Од Молија — Елеазар: тој немаше синови.

²⁹Од Киса и од синовите Кисови — Јерамеил;

³⁰синови Мусиеви — Моли, Едер и Јеримот. Тоа беа синовите левитски според поколенијата нивни.

³¹И тие фрлија жреб заедно со браќата свои, Аронови синови, пред лицето на царот Давида и Садока и Авимелеха и старешините на свештеничките и левитските редови: старешината на родот заедно со помалиот брат свој.