Read Lamkang 1 Летописи 27 Bible Online

1 Летописи 27 - Lamkang bible

1 Летописи 27

¹Еве ги синовите Израилеви според нивниот број, начланици на родовите, илјадниците, стотниците и управителите, кои по одделенија му служеа на царот во сите работи, доаѓајќи и заминувајќи секој месец, во текот на сите месеци во годината. Во секое одделение тие беа по дваесет и четири илјади.

²Над првото одделиние, за првиот месец, началник беше Извоаз, син Завидиилов; во одделението негово имаше дваесет и четири илјади;

³тој беше од Фаресовите синови и началник над сите војводи во првиот месец.

⁴Над одделинието за вториот месец беше Додај, Екхотецот; во одделението негово беше и кнезот Макелот; и во неговото одделение имаше дваесет и четири илјади.

⁵Третиот главен воен началник, за третиот месец, беше Ванеја, син на свештеникот Јодаја; и во неговото одделиние имаше дваесет и четири илјади;

⁶тој, Ванеја, беше еден од триесетте јунаци и нивни началник, и во неговото одделиние се наоѓаше синот негов Завад.

⁷Четвртиот, за четвртиот месец, беше Асаил, Јоавав брат, и по него синот негов Завадија; и во неговото одделение имаше дваесет и четири илјади.

⁸Петтиот, за петтиот месец, беше кнезот Самаот, син Језраев; и во неговото одделение имаше дваесет и четири илјади.

⁹Шести, за шестиот месец, беше Одуј, Екисов син, Текуец; и во неговото одделение имаше дваесет и четири илјади.

¹⁰Седми за седмиот месец, беше Хелис, Фалусјанин, од Ефремовите синови; и во неговото одделиние имаше дваесет и четири илјади.

¹¹Осми, за осмиот месец, беше Совохај, Усатитјанин од Зараевиот род; и во неговото одделение имаше дваесет и четири илјади.

¹²Деветти, за деветтиот месец, беше Авиезер, од Анатот, од синовите Венијаминови; и во неговото одделиние имаше дваесет и четири илјади.

¹³Десетти, за десеттиот месец, беше Махрај, Нетофатец, од Зараевиот род; и во неговото одделение имаше дваесет и четири илјади.

¹⁴Единаесетти, за единаесеттиот месец, беше Ванеја, од Фаратон, од синовите Ефремови; и во неговото одделение имаше дваесет и четири илјади.

¹⁵Дванаесетти, за дванаесеттиот месец, беше Холдиј, Нетофатец, од потомците Готониилови; и во неговото одделение имаше дваесет и четири илјади.

¹⁶А над Израилевите колена кнезови беа: во Рувимовото — Елиезер, син Зехриев; во Симеоновото — Сафатија, син Мехиев;

¹⁷во Левиевото — Асавија, син Кемуилов; во Аронотвото — Садок;

¹⁸во Јудиното — Елијав, од Давидовите браќа; во Исахаровиот — Амри, Михаилов син;

¹⁹во Завулоновото — Самаија, Авдиев син; во Нефталимовото Јеримот, Озиилов син;

²⁰во Ефремовото синови — Осиј, Азазиев син; на полуплемето Манасиево — Јоил, Фадеев син;

²¹во полуплемето Манасиево во Галад — Јадај, Завадиев син; во Венијаминовото — Јасиил, Авениров син;

²²во Дановото — Азариил, Јорамов син. Тоа беа водачите на Израилевите племиња.

²³Давид не ги преброи оние ште беа од дваесет години и подолу, зашто Господ беше рекол, дека го умножи Израилот како ѕвездите небески.

²⁴Саруевиот син Јоав го почна пребројувањето, но не го доврши, и гнев Божји дојде врз Израилот поради тоа пребројување, и тоа не влезе во летописите на царот Давида.

²⁵Над царските сокровишта беше Асмот, Одилиев син, а над богатствата во полето, во градовите, во селата и во кулите — Јонатан, Озиев син;

²⁶а над оние, што работеа полски работи, со земјоделие, беше Ездрај, Хелувов син;

²⁷над лозјата — Семеј од Рама, а над визбите со вино во лозјата — Завдиј, син Сефамиев,

²⁸над маслините и смоквите во полињата — Геторјанинот Валанан, а над одделенијата со елеј — Јоас;

²⁹над крупниот добиток, што пасеше во Сарон — Саронецот Страј, а над добитокот во долините — Адаиновиот син Софат;

³⁰над камилите — Исмаилецот Увиј; над ослите — Маротонецот Јадија;

³¹над ситниот добиток — Агаритецот Јоас. Сите тие беа началници над цар Давидовиот имот;

³²Јонатан, Давидовиот стрико, беше советник, човек умен и писмен; и Јеил, Акаманиев син, беше при царските синови;

³³Ахитофал беше царев советник; а Хусија — царев пријател;

³⁴а по Ахитофела беа Јодај, син Ваниев, и Авијатар; Јоав, пак, беше прв царев војвода.