Read Lamkang 1 Летописи 4 Bible Online

1 Летописи 4 - Lamkang bible

1 Летописи 4

¹Синови Јудини: Фарес, Есром, Хармиј, Ор и Совал.

²Рада, Совалов син, го роди Јета; Јет го роди Ахимеја и Лада; од нив се родовите на Аратинците.

³А тие се синови Етанови: Језраил, Јесман, Јевдан, и сестрата нивна, по име Есијадесфон.

⁴Фануил, татко на Гедора, и Езер, татко на Осана. Тоа се синовите на Ора, првенец Ефратов, татко Витлеамов.

⁵Асор, таткото на Текоа, имаше две жени: Хала и Мара.

⁶Мара му ги роди Ахаза и Адера, Темана и Астира, тоа се синовите од Мара.

⁷Синови од Хала: Серет, Саар и Естанам.

⁸Кос го роди: Енова и Совива и родовите на Рихава, Јаримов син.

⁹Јавис беше попрочуен од своите браќа. Мајка му го нарече Јавис, велејќи: го родив со болки.

¹⁰И повика Јавис кон Бога Израилев, велејќи: »О, да ме благословеше со Твоето благословие, да ги проширеше границите мои, да беше раката Твоја со мене и да ме пазеше од зло, та да не тагувам!« И Бог му го даде она за што молеше.

¹¹А Хелув, братот на Шуха, го роди Махира; тој е татко на Ешона.

¹²Асатон го роди Сатрафа, Сефија и Тана, татко на градот Нас, брат на Селома Кенезеецот и на Ахава; тоа се жителите на Рихавави.

¹³Синови Кенезеови: Готонил и Сараја, син Готонилов: Атат.

¹⁴Манатај го роди Гофора, а Сараија го роди Јорама, таткото на оние што живееја во долината на дрводелците, зашто беа дрводелци.

¹⁵Синови на Халева, Јефонин син: Ир, Ила и Нам. Син на Ила: Кенез.

¹⁶Синови на Амелима: Зиф, Зефа, Тирија и Есерил.

¹⁷Синови Езрови: Јетер, Морад, Авфер и Јамон; Јетер, пак, го роди Марона, Семеја и Јесевоја, таткото на Гедар, таткото на Естамона.

¹⁸А жена му Адија го роди Јареда, Гедоров татко, и Авера, татко на Сохо, и Ехтила, татко на Занона. Тоа беа синови на фараоновата ќерка Ветија, што ја беше зел Морил.

¹⁹Синови на жена му Одија, сестра Новамова, татко Келиов: Гармиј и Есдемон од Махата.

²⁰Синови Симеонови: Амнон, Рамнон, син Ананов и Тимнонов. Синови Ишиеви: Зохев и Бензохет.

²¹Синови на Силома, син Јудин: Ир, татко на Леха и Лаеда, татко на Мареша, и челадта на тие, што обработуваа висон, од Ашбеевиот дом,

²²и Јоким, и жителите на Хозева, и Јоаш, и Сараф, коишто имаа владение во Моав, и Јашувилехем; но тоа се дамнешни работи.

²³Тие беа грнчари, живеејќи и во градините и овшните градини; живееја таму при царот, за да му работат.

²⁴Синови Симеонови: Немуил, Ламин, Јарив, Зерах и Саул.

²⁵Негов син Шалум; негов син Мивсам; негов син Мишма.

²⁶Синовите на Мишма: Хамуил, син негов; неговиот син Закур, неговиот син Семеј.

²⁷Семеј имаше шеснаесет синови и шест ќерки, но браќата негови немаа многу синови, и сиот нивни род не беше толку многуброен, како родот на синовите Јудини.

²⁸Тие живееја во Вирсавија, во Савата, во Монада и во Есерсуал,

²⁹во Валај, во Асем, во Толад,

³⁰во Ватуил, во Ерма, во Сикел,

³¹во Вертшаринот, во Имисусес и домот Варусеорим. Тоа се градовите нивни до царувањето на Давида,

³²со селата нивни: Етам, Аин, Рамнон, Токан и Есар, — пет градови,

³³и сите нивни села, што беа околу тие градови до Ваал; тоа се нивните живеалишта и родословија.

³⁴А Месовав, Јамлех и Јосија, син на Амасија,

³⁵Јоил и Јеху, син на Јошива, син на Сераија, син Асиилов,

³⁶Елиоенај, Јакова, Ишохаија, Асаија, Адиил, Ишимиил и Ванеја,

³⁷и Зиза, син на Сафеја, син на Алона, син на Једаија, син на Шимрија, син Шемаиев, —

³⁸сите овие споменати беа кнезови над своите родови, и домот на татковците нивни се расклони многу.

³⁹Тие одеа до Герара и до источната страна на долината, за да најдат пасишта за стадата свои;

⁴⁰и најдоа густи и убави пасишта и широка земја, мирна и безопасна, зашто порано во нив живееја малкумина од Хамовците.

⁴¹Па дојдоа тие, запишани поименично, во дните на јудејскиот цар Езекија, па ги убија скитниците и заседнатите, што се наоѓаа таму, ги истребија засекогаш и се населија на местото нивно, зашто таму имаше пасишта за стадата нивни.

⁴²А од нив, од Симеоновите синови, петстотини души отидоа кон гората Сир; кнезови им беа: Фалтија, Ноадија, Рафаија и Озиил, синови Јесови,

⁴³и ги убија избеганите остатоци од Амаликијците, и живеат таму и до денес.