Read Lamkang 1 Летописи 5 Bible Online

1 Летописи 5 - Lamkang bible

1 Летописи 5

¹Синови на Рувима, првороден Израилев, — тој беше првороден; но откако ја оскверни постелата на татка си, првенството им беше дадено на синовите на Јосифа, син Израилев, но под услов да не се пишат провородени.

²Бидејќи Јуда беше најсилен меѓу браќата свои, тоа и водачот излегуваше од него, но првенството беше пренесено на Јосифа, —

³синови на Рувима, провородениот Израилев, беа: Енох, Фалус, Асром и Хармиј.

⁴Синови Јоилеви: Семеј и Ванеа, негов син; неговиот син Гог, неговиот син Семеј,

⁵негов син Миха, негов син Риха, негов син Ваал,

⁶негов син Веира, кого што асирскиот цар Теглафаласар го одведе во плен. Тој беше кнез на Рувимците.

⁷А браќата негови, според родовите нивни, според нивниот родословен список, беа: Јоил — главен, потоа Захарија

⁸и Валек, син Азузов, син на Сама, син Јоилов; тој живееше во Ароир, до Наван и до Веел-Маон;

⁹потоа живееше тој кон исток до влезот во пустињата, кој се протега до реката Ефрат, зашто беа многубројни во земјата Галадска.

¹⁰Во дните на Саула, тие водеа војна со Агарјаните, а тие се настанија во шаторите нивни по целата источна страна на Галад.

¹¹Синовите Гадови живееја спроти нив во земјата Васанска, до Селха:

¹²во Васан прв беше Јоил, втор — Сафам, потоа Јанин, книжник васански.

¹³Браќата нивни со челадта своја беа седум: Михаил, Мосолам, Севеј, Јорај, Јохан, Јовија и Овид, седум.

¹⁴Еве ги синовите на Авихајла, син Рувинов, и Ади, син Галадов, син на Михаила, син Јесеинов, син Једаинов, син Вузов.

¹⁵Ахи, син на Авдиила, син Гуниев, беше старешина во домот на својот род.

¹⁶Тие живееја во Галад, во Васан и по селата негови и во сите околности на Сарон, дури до крајните граници нивни.

¹⁷Тие сите беа преброени во дните на јудејскиот цар Јоатам и во дните на израилскиот цар Јеровоам.

¹⁸Меѓу потомците на Рувима и Гада и полуплемето Манасиево имаше воинствени луѓе, мажи, кои носеа штит и меч, кои стрелаа со лак и свикнати на борба, — четириесет и четири илјади и седумстотини и шеесет души, што одеа во војна.

¹⁹Тие војуваа со Агарјаните, со Итурејците, Нафисејците, Надавјеците.

²⁰И помош им беше дадена против нив, и Агарјаните беа предадени во рацете нивни со сѐ, што имаа, зашто во времето на борбите тие го повикуваа Господа, и Он ги услишуваше, зашто на Него се надеваа.

²¹И ги зедоа стадата нивни: педесет илјади камили, ситен добиток двесте и педесет илјади, осли две илјади и сто илјади луѓе.

²²зашто ранети паднаа многу, бидејќи борбата беше од Бога. И живееја на нивното место до преселувањето.

²³Потомците од племето Манасиево живееја во таа земја од Васан до Ваал-Ермон и Санир и до гората Ермон; и тие беа многу.

²⁴Еве ги нивните старешини: Гофер, Јеси, Елиил, Јеремија, Јодија и Једиил, мажи силни, мажи прочуени, глави на родовите свои.

²⁵Но кога згрешија против Бога на татковците свои и почнаа да одат блудно по боговите на народите во таа земја, кои Бог ги беше изгонил од пред лицето нивно,

²⁶тогаш Бог Израилев го возбуди духот на асирскиот цар Фула и духот на асирскиот цар Теглатфаласара, и тие г преселија Рувимците и Гадовците и полуплемето Манасиево и ги одведоа во Алаи, Јовор и Аран и на реката Гозан, — каде што се и до ден денешен.