Read Lamkang 1 Летописи 9 Bible Online

1 Летописи 9 - Lamkang bible

1 Летописи 9

¹Така беа пребројани според родовите свои сите Израилци, и, ете, тие се запишани во книгите на израилските цареви. А Јудејците заради беззаконијата свои беа преселени во Вавилон.

²Првите жители, што живееја во своите владенија, по израилските градови, беа Израилци, свештеници, левити и Нетинејци.

³Во Ерусалим живееја некои од Јудините синови и од синовите Венијаминови, како и од синовите Ефремови и Манасиеви:

⁴Утиј, син Амиудов, син на Амври, син на Амераима, син Ваниев, — од синовите на Фареса, Јудиниот син;

⁵од синовите Силонови — Асаија, првороден, и синовите негови;

⁶од синовите на Зара — Јеил и браќата нивни, — шестотини и деведесет;

⁷од синовите Венијаминови — Салу, син на Васолама, син на Одуаје, син Сануев;

⁸Јевна, син Јероамов, Елав, син на Озија, син Махиров; Мосолам, син на Сафатија, син на Рагуила, син Јеваниев,

⁹и браќата нивни според родовите нивни: деветстотини и педесет и шест, — сите тие мажи беа кнезови на родовите во поколенијата свои.

¹⁰А од свештениците: Јодај, Јоарим, Јоаким,

¹¹Азарија, син на Хелкија, син на Мосолама, син на Садока, син на Марариота, син Ахитов, кој беше началник на Божјиот дом;

¹²Адијам, син на Јероама, син на Фастура, син Мелхиаев; Маасиј, син Адиилов, син Езиров, син на Мосолама, син на Маселамота, син Емаров,

¹³и браќата нивни, кнезови на родовите свои: илјада и седумстотини и шеесет, — мажи истакнати во службата своја во Божјиот дом.

¹⁴А од левитите: Семеја Асуев син, син на Езраикама, син Савиев, — од синовите Мерариеви;

¹⁵Ваквакар, Арис, Гареа и Матанија, син на Миха, син на Зехрија, син Асафов;

¹⁶Авдија, син Семеев, син на Галила, син на Идитуна, и Варахија, син на Аса, син на Елкана кој живееше во Нетофатските села.

¹⁷А вратари: Селум, Акум, Телмон, Еман и браќата нивни; Селум беше главен.

¹⁸Тие се и до денес вратари при царската порта кон исток и ја одржуваат стражата на синовите Левиеви.

¹⁹Селум, син Кореов, син на Авијасафа, син на Кореја, и браќата негови од неговиот род, — Кореевци, по службата беа стражари при праговите на скинијата, а татковците нивни го чуваа влезот во Господовиот дом.

²⁰Финеес, син Елеазаров, беше водач нивни, и Господ беше со него.

²¹Захарија, син Мосоламов, беше вратар при вратата во скинијата на сведоштвото.

²²Сите тие, избрани за вратари при праговите, беа двесте и дванаесет. Тие се запишани во списокот според нивните села. Нив ги поставија Давид и Самуил јасновидецот заради верноста нивна.

²³Тие и синовите нивни чуваа стража при вратата на домот Господов, при домот на скинијата.

²⁴Вратари имаше на четирите страни: на источната, западната, северната и јужната.

²⁵А браќата нивни живееја во своите села и доаѓаа одвреме — навреме при нив за седум дена.

²⁶Тие четворица први вратари, левитите, беа доверени лица; тие исто така беа поставени при живеалиштата и сокровиштата на Божјиот дом.

²⁷Тие престојуваа и ноќе околу Божјиот дом, бидејќи ним им беше наложено да го чуваат, и тие беа должни секое утро да ги отвораат вратите.

²⁸Некои од нив беа поставени при службените садови, кои ги примаа со број и даваа со број.

²⁹На други од нив им беа доверени другите садови и сите свештени потреби: најчисто брашно, вино, елеј, темјан и мирисите.

³⁰А некои од свештеничките синови подготвуваа миро, од разни миризливи материи.

³¹А на левиотот Мататија, првороден на Кореецот Селум, му беше доверено она, што се подготвува во тавче.

³²На некои од браќата нивни, од синовите Катови им беше доверено да ги приготвуваа лебовите на предложението, за да ги принесуваат секоја сабота.

³³А певците, главните во левитските поколенија, во собите на храмот беа ослободени од работа, бидејќи беа должни да се занимаваат дење и ноќе со својата служба.

³⁴Тоа се левитските кнезови, главни во родовите свои. Тие живееја во Ерусалим.

³⁵Во Гаваон живееја: Јеил, татко на Гаваонците, — жена му се викаше Маха, —

³⁶и првородениот син негов Авадон; по него: Сур, Кис, Вал, Нир, Надав,

³⁷Гедор, Ајун, Зехрија и Макелот.

³⁸Макелот го роди Сама. И тие живееја до браќата свои во Ерусалим, заедно со браќата свои.

³⁹Нир го роди Киса, Кис го роди Саула, Саул го роди Јонатана, Мелхиса, Аминадава и Јесфала.

⁴⁰Јонатанов син беше Мемфивал; Мемфивал го роди Миха.

⁴¹Синови на Миха: Филот, Мехиил, Тара и Хаз.

⁴²Хас го роди Јада; Јад го роди Алета, Асмота и Замврија, Замвриј го роди Меса.

⁴³Мес го роди Ванија; Рафеја беше негов син; Еласа, негов син, Асаил, негов син.

⁴⁴Асаил имаше шестмина синови, и еве ги имињата нивни: Езрикам, Исмаил, Азарија, Авдија, Анан и Аса. Тоа се синовите Асаилови.