Read Lamkang 2 Летописи 11 Bible Online

2 Летописи 11 - Lamkang bible

2 Летописи 11

¹Ровоам пристигна во Ерусалим и свика од Јудиниот и Венијаминовиот дом сто и осумдесет илјади одбрани војници, за да војуваат против Израилот и да му го вратат царството на Ровоама.

²И би слово Господово до Самеја, човекот Божји, со кое беше речено:

³»Кажи му на Соломоновиот син Ровоам, цар Јудејски, и на сиот Израил во Јудиното и Венијаминовото племе:

⁴вака вели Господ: ‚не одете и не почнувајте војна со браќата свои; вратете се секој во домот свој, зашто Јас го направив тоа.‘« Тие ги послушаа зборовите Господови и се вратија од походот против Јеровоама.

⁵Ровоам живееше во Ерусалим и ги загради градовите во Јудеја со ѕидови.

⁶Го утврди Витлеем, Етам, Текуја,

⁷Ветсур, Сокхот, Одолам,

⁸Гет, Марисан, Зиф,

⁹Адурем, Лахис, Азиер,

¹⁰Салај, Елон и Хеврон, што беа на Јудиното и на Венијаминовото племе.

¹¹Ги зацврсти тие тврдини и постави во нив началници и житници, и одделенија за елеј и вино.

¹²И на секој град му даде штитови и копја и ги зацврсти прилично добро. Под него останаа Јуда и Венијамин.

¹³Свештениците и левитите, колу што ги имаше по целата земја Израилска, се собраа при него од сите краишта,

¹⁴зашто левитите ги оставија селата свои и владенијата свои и дојдоа во Јудеја и во Ерусалим, бидејќи Јеровоам и синовите негови ги отстранија од свештенството Господово

¹⁵и си поставија жреци во идолските светилишта на ридовите, за идолите и за телињата што тој ги направи.

¹⁶А по нив и од сите племиња Израилеви, кои го управија срцето свое да Го бараат Господа, Бога Израилев, одеа во Ерусалим, за да Му принесат жртви на Господа, Бога на татковците свои.

¹⁷Тие го зацврстија царството Јудино и го поддржуваа Соломоновиот син Ровоам три години, зашто одеа по патот на Давида и Соломона во тие три години.

¹⁸Ровоам си ја зеде за жена Маелата, ќерката на Јеримута, син Давидов, и на Авигеја, ќерка на Елијава, син Јесеев;

¹⁹И таа му ги роди синовите: Јеуса, Саморија и Зама.

²⁰По неа тој ја зеде Маха, ќерка Авесаломова, и таа му ги роди Авија, Јевтија, Зиза и Салимота.

²¹Ровоам ја сакаше Маха, Авесаломовата ќерка, повеќе од сите свои жени и наложници, зашто тој имаше осумнаесет жени и шеесет наложници, и роди дваесет и осум синови и шеесет ќерки.

²²Ровоам го постави Авија, синот на Маха, за началник и кнез над браќата свои, зашто сакаше да го направи цар.

²³Па мудро работејќи, тој ги распрати сите синови свои по сите земји на Јуда и Венијамина, по сите утврдени градови, им даде многу храна и за нив доведе многу жени.