Read Lamkang 2 Летописи 13 Bible Online

2 Летописи 13 - Lamkang bible

2 Летописи 13

¹Во осумнаесеттата година од царувањето на Јеровоама стана цар Авија над Јуда;

²тој царуваше три години во Ерусалим; мајка му се викаше Михаја, ќерка Урилова, од Гаваон. И Авија водеше војна со Јеровоама.

³Авија изведе во војна војска од храбри луѓе, четиристотини илјади одбрани души, а Јеровоам излезе против него во бој со осумстотини илјади души, исто така одбрани јунаци.

⁴И застана Авиј на врвот од планината Семераим, една од Ефремовата гора, и рече: »Чујте ме, Јеровоаме и сите Израилци!

⁵Не знаете ли, дека Господ, Бог Израилев, му го даде на Давида царството над Израилот засекогаш, нему и на синовите негови, според заветот вечен.«

⁶Но беше востанал Јеровоам, синот Наватов, слуга на Давидовиот син Соломона, и се побуни против господарот свој.

⁷И се собраа околу него луѓе долни, развратници и станаа против Ровоама, синот Соломонов; а Ровоам беше млад и со слабо срце, и не издржа против нив.

⁸А сега вие мислите да устоите против царството Господово, кое е во рацете на Давидовите синови, зашто вас ве има многу и затоа што имате златни телиња, што ви ги направи Јеровоам за богови.

⁹Нели вие ги изгонивте свештениците Господови, синовите Аронови, и левитите, и си поставивте свештеници, какви што има при народите во другите земји? Секој, што доаѓа за свое посветување со теле и седум овни, тој станува кај вас свештеник на лажни богови.

¹⁰А кај нас — Господ е наш Бог; ние не сме Го оставиле; на Господа Му служат како свештеници синовите Аронови, и левитите се на својата работа.

¹¹Тие Му жртвуваат на Господа сепаленици, секое утро и секоја вечер, и миризливо кадиво, ги слагаат лебовите еден врз друг на чиста трпеза и ги палат кандилцата на златниот светилник за да горат секоја вечер, зашто ние ја пазиме наредбата на Господа, нашиот Бог, а вие сте Го оставиле.

¹²И, ете, нам на чело ни е Бог и Неговите свештеници и громогласните труби, за да грмат против вас. Синови Израилеви, не војувајте против Господа, Бога на вашите татковци, зашто нема да успеете!

¹³Во тоа време Јеровоам направи заседа зад нивниот тил, така што самиот тој беше пред Јудејците, а заседата — зад нив.

¹⁴И кога се обѕрнаа Јудејците, — а тоа борба и отспреди и одзади; и повикаа кон Господа, а свештениците затрубија со труби.

¹⁵И почнаа да викаат Јудејците. И кога Јудејците повторно извикаа, Бог го порази Јеровоама и сите Израилци пред Авија и Јуда.

¹⁶И синовите Израилеви почнаа да бегаа пред Јудејците; и Бог го предаде во рацете нивни.

¹⁷Авија и народот негов страшно ги поразија; и паднаа од Израилот петстотини илјади одбрани јунаци.

¹⁸Тогаш синовите Израилеви се смирија, а синовите Јудини станаа силни, зашто се надеваа на Господа, Бога на татковците нивни.

¹⁹Авија, пак, го гонеше Јеровоама и му ги одзеде градовите: Ветил и нему потчинетите села, Јесин со селата негови и Ефрон со потчинетите му села.

²⁰И Јеровоам веќе не се совзеде во дните на Авија. Господ го порази и тој умре.

²¹Авија, пак, се засили; си зеде четиринаесет жени и роди дваесет и два сина и шеснаесет ќерки.

²²Другите дела на Авија, делата негови и зборовите негови се опишани во записите на пророкот Ада.