Read Lamkang 2 Летописи 15 Bible Online

2 Летописи 15 - Lamkang bible

2 Летописи 15

¹Тогаш Духот Божји слезе врз Азарија, син Ададов.

²Тој излезе да го пресретне Аса и сите Јудејци и Венијаминовци, и им рече: »Послушајте ме, Аса и сите Јудејци и Венијаминци: Господ е со вас, кога сте вие со Него; и ако Го барате, ќе Го најдете; ако, пак, Го оставите, и Он ќе ве остави.

³Многу дни Израилот ќе биде без вистински Бог, без свештеник да поучува, и без закон;

⁴но кога во притеснетоста своја ќе се обрне кон Господа, Бога Израилев, и ќе Го побара, и ќе Го најде.

⁵Во тие времиња нема да има мир ни за оние што излегуваат, ни за оние што влегуваат; зашто ќе има голема збрка меѓу сите жители земни;

⁶народ ќе се бие со народ, и град со град, затоа што ќе ги смути Бог со секакви неволји.

⁷Но вие држете се цврсто, и рацете ваши да не ослабуваат, зашто ќе има награда за делата ваши.«

⁸Кога ги чу Аса тие зборови и пророштвата на Азарија, син на пророкот Адада, тој се охрабри и ги премавна незнабожечките гнасотии од целата земја Јудејска и Венијаминова, и од градовите на Евремовата гора, што ги беше презел, го обнови и жртвеникот Господов, што беше пред Господовиот трем.

⁹Тогаш ги собра сите Јудејци и Венијаминовци и преселените од Ефрема, Манасија и Симеона, кои живееја со нив; зашто многу Израилци преминаа кон него, откако видоа, дека Господ, неговиот Бог, е со него.

¹⁰И се собраа во Ерусалим во третиот месец на петнаесеттата година од царувањето на Аса.

¹¹Во тој ден принесоа жртва на Господа од пленот, што го донесоа: од крупниот добиток седумстотини и од ситниот — седумдесет илјади.

¹²Склучија завет да Го бараат Господа, Бога на татковците свои, од сѐ срце и од сета душа;

¹³а секој, што не Го побара Господа, Бога Израилев, да умре — бил тој мал или голем, маж или жена.

¹⁴И се заколнаа во Господа громогласно со восклици и при звукот на трубите и роговите.

¹⁵И сите Јудејци се радува на таа заклетва, зашто се колнеа од сѐ срце и со сета волја. Го бараа Господа, и Го најдоа. Тогаш Господ им даде спокојствие од сите страни.

¹⁶А мајка си Маха царот ја лиши од царското достоинсто, затоа шти беше ѝ служела на Астарта. Аса го сруши идолот нејзин, го исече на парчиња и го изгори во Кедронскиот дол.

¹⁷Иако идолските светилишта не беа премавнати во Израилот, но срцето на Аса беше наполно предадено на Господа во сите дни негови.

¹⁸Тој го внесе посветеното од таткото свој во Божјиот дом; среброто, златото и садовите.

¹⁹И немаше војна до триесет и петтата година од царувањето на Аса.