Read Lamkang 2 Летописи 19 Bible Online

2 Летописи 19 - Lamkang bible

2 Летописи 19

¹Кога Јосафат, царот јудејски, се враќаше со мир во домот свој во Ерусалим,

²излезе да го пресретни јановидецот Јуј, син Ананиев, и му рече на царот Јосафата: »Требаше ли да му помагаш на безбожникот и да ги сакаш оние, што Го мразат Господа? Затоа гневот Господов падна врз тебе.

³Но добро се најде во тебе, зашто ти ги истреби идолите во земјата Јудејска и го расположи срцето свое за да Го побараш Бога.«

⁴Јосафат живееше во Ерусалим. И пак почна да го обиколува народот свој од Вирсавија до Ефремовата гора, и ги поврати кон Господа, Бога на татковците нивни.

⁵И постави судии во земјата по сите утврдени градови на Јудеја, во секој град,

⁶па им рече на судиите: »Внимавајте што правите; вие вршите не суд човечки, туку суд Господов; во судската работа Бог е со вас.

⁷Затоа стравот Господов нека биде врз вас: работете внимателно, зашто кај Господа, нашиот Бог, нема неправда, ни лицемерие, ниту примање дарови.«

⁸Јосафат и во Ерусалим постави некои левити и свештеници и старешини на домовите татковски во Израилот — за суд Господов и за тужби. И се вратија во Ерусалим.

⁹Тогаш им заповеда, велејќи: »Така работете со страв Господов, со верност и со чисто срце:

¹⁰при секоја расправија, каква што ќе дојде кај вас од браќата ваши, што живеат по градовите свои, било за крвнина, или за закон, заповед, уредба и обреди, објаснувајте им да не грешат пред Господа, та да не дојде гневот Негов врз вас и врз браќата ваши: така работете, и нема да згрешите.

¹¹И ете, првосвештеникот Амарија е над вас за секоја Господова работа, а Завадија, синот Измаилов, кнез на Јудиниот дом, — за секоја царска работа, а и книжниците и левитите се пред вас. Бидете црвсти и работете, и Господ ќе биде со добриот.«