Read Lamkang 1 Ездра 10 Bible Online

1 Ездра 10 - Lamkang bible

1 Ездра 10

¹Додека Ездра така се молеше И исповедаше, плачејќи и лежејќи пред Божјиот дом, се собра кај него многуброен народ од Израилот, мажи, жени и деца, зашто и народот плачеше многу.

²Тогаш се јави Сехенија, синот Јеилев од синовите Еламови, и му рече на Ездра: »Згрешивме пред нашиот Бог, зашто земавме жени од народите на таа земја, но уште има надеж за Израилот во таа работа;

³да се заветува сега пред нашиот Бог, дека ќе ги отпуштиме сите другоплемени жени и родените од нив деца, — и нека биде по законот на нашиот Бог, и според законот нека биде.

⁴Стани, зашто ова е твоја работа, и ние сме со тебе: биди храбар и работи!«

⁵Тогаш стана Ездра и им порача на старешините над свештениците, левитите и над сиот Израил да положат клетва, дека ќе направат така. И тие се заколнаа.

⁶Стана Ездра и тргна од Божјиот дом кон зградата на ризницата при Јоханана, Јелисувавиот син, и стигна таму. Леб не јадеше и вода не пиеше, зашто плачеше поради претстапите на преселниците.

⁷И им соопштија по Јудеа и во Ерусалим на сите, што беа во пленство, да се соберат во Ерусалим,

⁸а на оној што не ќе дојде за три дни, ќе му се одземе имотот, по решение на кнезовите и старешините, целиот имот негов, а самиот тој ќе биде отсранет од општеството на преселниците.

⁹И во тие три дни се собраа во Ерусалим сите жители на Јудеа и на земјата Венјаминова. Тоа беше во деветтиот месец на дваесеттиот ден од месецот. Седеше сиот народ на плоштадот пред Божјиот дом и трепереше, како поради таа работа, така и од дождот.

¹⁰Тогаш свештеникот Ездра стана и им рече: »Вие направивте престап, земајќи жени од други племиња и со тоа ја зголемивте вината на Израилот;

¹¹затоа, покај те се пред Господа Бога на вашите татковци, и исполнете ја волјата Негова, одвојте се од народите на таа земја им од жените од други племиња.«

¹²Целото собрание одговори и рече со силен глас: »како што рече, така и ќе направиме.

¹³Но народот е многуброен, и времето е сега дождовно, та неможе да се стои на улица. Па и таа работа не е ни за ден, ниту за два, зашто ние згрешивме многу во таа работа.

¹⁴Нека се изберат заменици на кнезовите за целото општество, и сите во нашите градови, што зеле жени од други племиња, да доаѓаат тука во определено време заедно со старешините и судиите на секој град, додека не се одврати од нас пламнатиот гнев на нашиот Бог поради таа работа.«

¹⁵Тогаш се зафатија со таа работа Јонатан, син Асаилов, И Јасија, син Текуев, а Месолам И Саватај, левит, беа нивни помошници.

¹⁶Така направија дојдените од пленство. За тоа беа одредени: свештеникот Ездра, началниците од секое нивно поколение, и старешините на нивните домови сите по име. Тие се собраа на заседание во првиот ден на десеттиот месец, за да ја испитаат таа работа;

¹⁷и го извршија испитувањето за сите, што беа зеле жени од други племиња, кон првиот ден од првиот месец.

¹⁸И се најдоа од свештеничките синови, што беа зеле жени од други племиња, — од синовите на Исуса, синот Јоседеков и бараќата негови: Маасија, Елиезер, Јарим и Гадалија;

¹⁹тие ја дадоа раката своја за уверување, дека ќе ги напуштат жените свои и дека, како виновни, ќе принесат жртва по еден овен за вината своја;

²⁰Од Имеровите синови: Ананиј и Завдија;

²¹Од Харимовите синови: Маасија, Елија, Самија, Јеил и Озија;

²²Од Пасхоровите синови: Елиоинај, Масија, Исмаил, Натанаил, Јозавад и Еласа;

²³Од левитите: Јозавад, Симеј и Ќелаја, тој е и Ќелит, Патахија, Јуда и Елиезер;

²⁴Од певците: Елисав; Од вратарите, Салум, Телем и Уриј;

²⁵А од Израилиците, — Фаресовите синови: Рамија, Азија, Мелхија, Мелмин, Елеазар, Асавија и Венеја;

²⁶Од синовите Иламови: Матанија, Захарија, Јаил, Авдиј, Јеримот и Елија;

²⁷Од синовите Затуеви: Елионај, Елисув, Матанај, Армот, Завад и Озиз;

²⁸Од синовите Вавениеви: Јоанан, Ананија, Завуј и Атлај;

²⁹Од синовите Вануеви: Месолам, Малух, Адаја, Јасуф, Саал и Римот;

³⁰Од синовите на Фат-Моава: Еднеа, Халил, Ванаја, Маасија, Матанија, Веселеил, Вануј и Манасија;

³¹Од синовите Иримови: Елиезер, Јесија, Мелхија, Самаја, Симеон.

³²Венјамин, Валух, Самарија;

³³Од синовите Асимови: Метанија, Матата, Завад, Елифелет, Јеремај, Манасија и Семеј;

³⁴Од синовите Ваниеви: Мадија, Амрам и Уил.

³⁵Ванаија, Вадаја, Хелија,

³⁶Ванија, Маримот, Елијасиф,

³⁷Матанија, Матанај, Јаасај,

³⁸Синови Ваниеви, и синови Семееви,

³⁹Салемија, Натан, Адаија,

⁴⁰Махнада, Авусесеј, Аруесрил,

⁴¹Азариел, Селемиј, Семарија,

⁴²Салум, Амарија и Јосиф

⁴³Од синовите Невови: Јеил, Мататија, Завад, Зевенај, Јадај, Јоил и Ванеја.

⁴⁴Сите тие си беа зеле жени од други племиња, а некои од тие жени им беа родиле и деца.