Read Lamkang 2. Ездра 5 Bible Online

2. Ездра 5 - Lamkang bible

2. Ездра 5

¹Потоа беа избрани, за да тргнат, родоначалниците според колената на племињата нивни, и жените нивни, и синовите нивни, и ќерките нивни, и слугите нивни, и слугинките нивни со добитокот нивни.

²Дариј испрати со нив илјада коњаници, за да ги одведат со мир во Ерусалим, со свирки, со тимпани и труби.

³И сите нивни браќа се радуваа, и царот им дозволи да одат заедно.

⁴Еве ги имињата на мажите, што отидоа, според родовите нивни во колената по нивното старешинство:

⁵свештениците, синови Финесови, синови Аронови; Исус, син Јоседеков, Сареев син, и Јоаким, син на Зоровавела, Салатиилев син, од Давидовиот дом, од родот на Фареса, а од Јудиното колено,

⁶оној што ги кажа пред персискиот цар Дариј мудрите зборови во втората година од царувањето негово, во месецот Нисан, првиот месец.

⁷Еве ги Јудејците, излезени од преселничкото пленство, што ги пресели во Вавилон Навуходоносор, вавилонскиот цар,

⁸и кои се вратија во Ерусалим и во другите места на Јудеја, секој во својот град, а што излегоа со Зоровавела и со Исуса, Неемија, Зареја, Рисеја, Енинеја, Мардохеја, Веелсара, Асфараса, Реелија, Роима, Ваана — нивни началници.

⁹Бројот на народот со началниците негови: синови Фаросови — две илјади и сто и седумдесет и двајца; синови Сафатови — четиристотини и седумдесет и двајца;

¹⁰синови Аресови — седумстотини и педесет и шест;

¹¹синови Фат-Моавови, заедно со Исусовите и Јоавовите синови — две илјади и осумстотини и дванаесет;

¹²синови Иламови — илјада и двесте и педесет и четири; синови Затуеви — деветстотини и седумдесет и пет; синови Корвеови — седумстотини и пет; синови Ваниеви — шестотини четириесет и осум;

¹³синови Виваеви — шестотини и триесет и три; синови Садасови — триста илјади и триста и дваесет и двајца;

¹⁴синови Адоникамови — шестотини и триесет и седум; синови Вагоеви — две илјади и шестотини и шест; синови Адинови — четиристотини и педесет и четири;

¹⁵синови Атирезекиеви — деведесет и двајца; синови Киланови и Азитасови — шеесет и седум; синови Азуранови — четиристотини и триесет и двајца;

¹⁶синови Ананиеви — сто и еден; синови Аромови — триесет и двајца; синови Васаеви — триста и дваесет и тројца; синови Арсифуритови — сто и двајца;

¹⁷синови Метируви — три илјади и пет; синови Ветоломонски — сто и дваесет и тројца;

¹⁸од Нетофас — педесет и пет; од Анатот — сто и педесет и осум; од Ветасмос — четириесет и двајца;

¹⁹од Каријатиарија — дваесет и пет; од Кафир и Вирот — седумстотини и четириесет и тројца; од Пир — седумстотини;

²⁰Хадијасејци и Амидејци — четиристотини и дваесет и двајца; од Кирам и Гавис — шестотини и дваесет и еден;

²¹од Макалон — сто и дваесет и двајца; од Витолија — педесет и двајца; синови Нифисови — сто и педесет и шест;

²²синови Каламолалови и Онусови — седумстотини и дваесет и пет; синови Јерехови — двесте четириесет и пет;

²³синови Анаасови — три илјади и триста и еден.

²⁴Свештеници, синови Једуеви, син Исусов, заедно со синовите Синасивови — деветстотини и седумдесет и двајца; синови Мируфови — илјада и педесет и двајца;

²⁵синови Фасарови — илјада и четириесет и седум; синови Хармиеви — илјада и седумнаесет.

²⁶Левити, синови Исусови, Кадмиилови, Вануеви и Судиеви — седумдесет и четири.

²⁷Свештенопевци, синови Асафови — сто и четириесет.

²⁸Вратари, синови салумови, синови Атарови, синови Толманови, синови Дакуеви, синови Титаеви, синови Самиеви сите сто и триесет и девет.

²⁹Служители при храмот, синови Исавови, синови Асифови, синови Татваотови, синови Кирасови, синови Судови, синови Фалееви, синови Лаванови, синови Аграваеви,

³⁰синови Акуеви, синови Утаеви, синови Китавови, синови Агаваеви, синови Сиваеви, синови Ананови, синови Кадуаеви, синови Гедурови,

³¹синови Јаирови, синови Десанови, синови Ноиваеви, синови Хасеваеви, синови Газираеви, синови Озиеви, синови Финоеви, синови Асраеви, синови Вастаеви, синови Меаниеви, синови Нафисаеви, синови Акувови, синови Акифаеви, синови Асурови, синови Фаракимови, синови Васалотови,

³²синови Меедаеви, синови Кутаеви, синови Харееви, синови Харкусови, синови Асирариеви, синови Томиеви, синови Наситови, синови Атифаеви,

³³синови на слугите Соломонови, синови Асапфионови, синви Фарираеви, синови Јелиеви, синови Лозонови, синови Издаилеви, синови Сафитеви,

³⁴синови Агиеви, синови Фахаретови, синови Савиеви, синови Саротиеви, синови Масијоисови, синови Гафофи, синови Адусови, синови Сувисови, синови Афераеви, синови Вародисови, синови Сафатови, синови Аломови;

³⁵сите свештенослужители при храмот и синовите на Соломоновите слуги — триста и седумдесет и двајца.

³⁶Еве ги излезените од Термелот и Телерсас: нивниот водач — Хараталар и Алар, —

³⁷но тие не можеа да ги покажат своите наследници и родови, дека се од Израилот, — синови Ладанови, синови Ванови и синови Некоданови — шестотини и педесет и двајца.

³⁸Имаше и свештеници, што вршеа свештена служба, но во описот не се најдоа: синовите Авдиеви, синовите Акосови, синовите на Јаду, кој беше женет за Авгија, ќерка на Верзелија, та се нарекуваше со негово име.

³⁹А бидејќи родословната книга нивна, кога беше побарана, не се најде во описот, тие беа одвоени од свештенството.

⁴⁰Тогаш им рече Неемија и Атарија, да не учествуваат во светињите, додека не се издигне свештеник, облечен со урим и тумим.

⁴¹А сите Израилци од дванаесет години и нагоре, освен слугите и слугинките, беа четиресет и две илјади и триста и шеесет; нивни слуги и слугинки — седум илјади и триста и четириесет и седум; певци и псалмопевци — двесте четириесет и пет.

⁴²Камили — четиристотини и четириесет и пет, коњи — седум илјади и триесет и шест, маски — двесте и четириесет и пет, работен добиток — пет илјади и петстотини и дваесет и пет.

⁴³Некои од родоначалниците, кога дојдоа при Божјиот храм во Ерусалим, дадоа завет дека ќе го издигнат овој дом на местото негово според силата своја

⁴⁴и дека ќе внесат во храмовата ризница за градбата илјада мнаси злато, пет илјади мнаси сребро и сто свештенички одежди.

⁴⁵И се населија свештениците и левитите и некои од народот во Ерусалим и областите негови, а свештенопевците и вратарите и сиот Израил — по своите села.

⁴⁶А кога настана седмиот месец, и синовите Израилеви веќе беа сите по имотите свои, се собраа еднодушно сите на отворено место при првите порти на исток.

⁴⁷Тогаш стана Исус, син Јоседеков, и браќата негови, свештеници, и Зоровавел, син Салатиилев, и браќата негови, и изградија жртвеник на Бога Израилев,

⁴⁸за да принесуваат на него сепаленици, како што е заповедано во книгата на Мојсеја, Божјиот човек.

⁴⁹Се собраа при нив и од други народи, кави што имаше во онаа земја, и изградија жртвеник на свое место, зашто беа во непријателство со нив, и ги надвладуваа сите народи, какви што ги имаше во таа земја; и тие своевремено примесуваа жртви и сепаленици на Господа, утрени и вечерни.

⁵⁰И го празнуваа празникот Сеници како што заповеда законот, принесувајќи секојдневни жртви, како што требаше,

⁵¹и потоа, — непрестајни приноси и жртви саботни, новомесечни и на сите свети празници.

⁵²И сите, што му беа дале на Бога завет од новомесечието на седмиот месец почнаа да Му принесуваат на Бога жртви, макар што храмот уште не беше дограден.

⁵³И им даваа пари на каменоресците и дрводелците, и пиење и храна, и коли на Сифонците и Тирците, за да превезуваат од Ливан кедрово дрво, поставувајќи ги на салови во Јопијското пристаниште, според заповедта, дадена на нив од персискиот цар Кир.

⁵⁴А на втората година, во вториот месец, по пристигањето при Божјиот храм во Ерусалим, Зоровавел, синот Салатиилев, и Исус, синот Јоседеков, и браќата нивни, и свештеници и левити и сите, што беа дошле од пленство во Ерусалим,

⁵⁵ја поставија основата на Божјиот храм во новомесечието на вториот месец, во втората година по пристигнувањето нивно во Јудеја и Ерусалим,

⁵⁶и поставија дваесетгодишни левити за службите Господови. И застана Исус, синовите негови и браќата негови, и братот Кадмиил, и синовите Мадијавунови, и исновите на Јода, син Илјадуев, со синовите и браќата, — сите левити, поттикнувајќи еднодушно кон службите во Господовиот дом. И градителите го изградија храмот на Господа.

⁵⁷Тогаш застанаа свештениците во одежди со свирки и со труби, и левитите, синови Асафови, со кимвали, благословувајќи Го Господа и прославувајќи Го според уредбата на Давида, царот израилски,

⁵⁸и возгласуваа во песни, прославувајќи Го Господа, дека Неговата благост и слава се вечни над сиот Израил.

⁵⁹И сиот народ трубеше и викаше со силен глас, фалејќи Го Господа, дека домот Господов се обновил.

⁶⁰А постарите свештеници, левитите и родоначалниците што го беа виделе поранешниот храм, дојдоа сега при градењето со плачење и голем восклик,

⁶¹мнозина пак — со труби и со силни — радосни извици,

⁶²така што народот не ги слушаше трубите поради викањето на луѓето, иако собирот трубеше силно, па се слушаше надалеку.

⁶³Слушнаа непријателите на Јудиното и Венијаминовото колено и дојдоа да дознаат, што значи тој трубен звук.

⁶⁴И дознаа, дека вратените од пленство Му градат храм на Господа, Бога Израилев.

⁶⁵И дојдоа при Зоровавела, при Исуса и при родоначалниците и им рекоа: »Ќе градиме и ние со вас;

⁶⁶зашто и ние како вас Го слушаме вашиот Господ и Му принесуваме жртви од дните на асирскиот цар Асвасарета, кој нѐ пресели овде.«

⁶⁷Тогаш Зоровавел, Исус и началниците на Израилевите племиња им рекоа: »Со вас нема да Го градиме домот на Господа, нашиот Бог;

⁶⁸ние сами ќе Му го градиме на Господа, Бога Израилев, според она како што ни заповеда Кир, царот персиски.«

⁶⁹Тогаш народите на таа земја, откако ги нападнаа оние што живееја во Јудеја и ги опседнуваа, им пречеа на градењето,

⁷⁰и, одвлекувајќи го народот со подмолност и предизвикувајќи бунтови, попречуваа да се доврши градбата за сето време, додека беше жив царот Кир, и ја запреа градбата за две години, додека стана цар Дариј.