Read Lamkang Товит 8 Bible Online

Товит 8 - Lamkang bible

Товит 8

¹Откако се навечераа, го воведоа и Товија кај Сара.

²А тој одејќи кон спалната соба, си ги спомна зборовите на Рафаила, па зеде кадилниче и ги стави внатре срцето и црниот дроб од рибата и покади.

³Демонот, штом ја почувствува таа миризма, избега во горните предели на Египет, и ангелот го врза.

⁴Кога се затворија во собата, Товија стана од постелата и ѝ рече на Сара: »Стани сестро, да Му се помолиме на Господа, за да се смилува на нас.«

⁵Тогаш Товија почна да се моли: »Благословен си, Боже на нашите татковци и балгословено е Твоето свето и преславно име во сите векови! Да те благословуваат небесата и сите твои созданија!

⁶Ти го создаде Адама и му ја даде за помошничка Ева, од нив произлезе човечкиот род. Ти си рекол: ‚Не е добро човек да биде сам; да му создадеме помошничка слична на него.‘

⁷И сега, Господи, јас ја земам оваа моја сестра не од телесна побуда, туку навистина како сопруга. Смилувај се на мене и направи да остареам со неа!«

⁸И тогаш заедно и двајцара рекоа: »Амин«.

⁹Затоа тие спиеја спокојно цела ноќ. Меѓутоа Рагуил стана и појде да ископа гроб,

¹⁰мислејќи дека е, можеби, и овој умрен;

¹¹па, кога се врати дома,

¹²н рече на својата жена Една: »Испрати една од слугинките да види дали е жив; ако умрел, веднаш да го погребеме, та никој да не разбере.«

¹³Слугинката ја отвори вратата, и влесе во собата и виде дека спијат.

¹⁴Тогаш излезе надвор и јави дека е жив.

¹⁵Рагуил Му благодари на Бога, велејќи: »Боже, биди благословен со секаков чист и свет благослов. Да те благословуваат сите Твои светии, сите Твои созданија, сите Твои ангели и сите Твои избраници, — нека Те благословуваат во сите векови!

¹⁶Благословен си, зашто ме развесели; со мене не се случи онака како што мислев, туку ја покажа спрема нас Твојата голема милост.

¹⁷Благословен си затоа што се смилува спрема двајцата од ист род! Господи, изли ја врз нив Твојата милсордност, подари им да го завршат својот живот со здравје, веселба и милосрдност.«

¹⁸Тогаш им заповеда на своите слуги да го затрупаат гробот.

¹⁹Потоа приреди свадбена гозба, која продолжуваше четиринаесет дена.

²⁰И му рече Рагуил со клетва, велејќи: »Не оди си дома додека не изминат деновите на свадбата, не оди си додека не изминат четириесет свадбени денови,

²¹а тогаш прими ја половината од имотот и врати се жив и здрав при твојот татко; остатокот од имотот ќе го добиеш откако умреме јас и мојата жена.«