Read Lamkang Исход 26 Bible Online

Исход 26 - Lamkang bible

Исход 26

¹»Направи и скинија од десет платништа: од ткаен висон, од сина, црвена и темноцрвена ткаенина; да направиш и херувими — извезена изработка.

²Должината на секое платниште нека е дваесет и осум лакти, додека ширината на секе платниште — четири лакти; таа мерка да биде за сите платништа.

³Петте платништа нека се придржуваат едно со друго, а петте други платништа нека се држат едно со друго.

⁴И направи сини врвки по работ на првото платниште, од едната страна за соединување; така направи и по работ на последното платниште: каде што ќе се соединуваа двете половини;

⁵педесет врвки направи на едно платниште, и песедет врвки направи по работ на другото платниште, каде што ќе се соединуваат со следното; да бидат едни спроти други, за да можат да се врзуваат.

⁶Направи и педесет кукучки од злато и со кукичките соедини го едното платниште со другито; и така скинијата ќе биде целосна.

⁷Потоа направи платништа од козина за покривање на скинијата; единаесет такви платништа направи.

⁸Едното платниште да е долго триесет лакти, а широко секои платниште, четири лакти; таа мерка да биде за сите единаесет платништа.

⁹И соедини ги петте платништа одделно, и шестте платништа одделно; шестото платниште кон влезот во скинијата свиткај го вудве.

¹⁰Направи и педесет врвки по работ на крајот од едното платниште, каде што ќе се соединат, и педесет кукички по работ на крајот од второто платниште, каде што ќе се соединуваат.

¹¹И направи кукички педесет од бакар и состави ги кукичките со врвките, па соедини ги платништата, за да биде целина.

¹²А остатокот од платништата на скинијата превиткај го, нека биде таа половина спуштена над скинијата од задната страна;

¹³остатокот, пак, од должината на платништата на скинијата — лакот од едната страна и лакот од другата страна — нека бидат спуштени од страните на скинијата — од едната и од другата страна, за да ја покриват.

¹⁴И направи покрив над скинијата од кожи овнешки, црвено обоени, како и покривала од сини кожи — одозгора.

¹⁵Направи и столбови за скинијата од дрвото ситим:

¹⁶десет лакти нека биде долг секој столб, а лакот и половина широк еден столб;

¹⁷на секој столб нека има по два клина — еден спроти друг; така направи на секој столб за скинијата.

¹⁸Така направи столбови за скинијата: дваесет столбови од страната што е на југ,

¹⁹а под дваесетте столбови направи четириесет подножја од сребро: две подножја на еден столб за обата краја негови, и две подножја под другиот столб за обата краја негови;

²⁰и дваесет столбови за другата страна на скинијата, од север,

²¹со четириесет подножја сребрени: две подножја на еден столб и две подножја под друг столб.

²²А од задната страна на скинијата — што е од кај морето, направи шест столбови.

²³И направи два столба за аглите на скинијата од задната страна;

²⁴тие да бидат одоздола, а одозгора да се соединуваат со алка; така нека биде со двете; тие нека бидат за обата агла;

²⁵и така ќе има осум столба со шеснаесет подножја сребрени: по две подножја под еден столб, и по две подножја под друг столб — на обата краја негови.

²⁶Понатаму направи напречници од дрвото ситим, пет напречни столбови од едната страна на скинијата,

²⁷и пет напречници на столбот од другата страна на скинијата, и пет напречници на столбот од задната страна на скинијата, што е кон морето;

²⁸а средниот напречник да минува преку средината на столбот, од едниот крај до другиот.

²⁹Столбовите позлати ги со злато, а и алките за нив направи ги со злато, во кои ќе со провлекуваат напречниците; па и напречниците да ги позлатиш со злато.

³⁰Така ќе ја направиш скинијата според образецот, што ти беше покажан на планината.

³¹И направи завеса од сина, црвена и од темноцрвена ткаенина и ткаен висон, и на неа нека има уметнички извезени херувими.

³²И закачи ја на четирите столба од дрвото ситим, опковани со злато, нивните врвови златни, а нивните подножја — сребрени.

³³Потоа обеси ја зевесата на кукички, и обеси ја така таму завесата до ковчегот на сведоштвото, и завесата ќе го одделува светилиштето од свјатаја свјатих.

³⁴И со завеса покриј го ковчекот на сведоштвото во свјатаја свјатих.

³⁵Намести и трпеза пред завесата и светилник спрема трпезата, од јужната страна на скинијата, а трпезата постави ја на северната страна.

³⁶И направи завеса за влезот во скинијата од сина, црвена и темноцрвена ткаенина и од ткаен висон.

³⁷За таа завеса ќе направиш пет столбови од дрвото ситим, опковани со злато и со врвови златни; па ќе им излиеш за нив и пет подножја од бронза.