Read Lamkang Исход 27 Bible Online

Исход 27 - Lamkang bible

Исход 27

¹Направи и жртвеник од дрвото ситим — пет лакти долг и пет лакти широк; четириаголен да биде жртвеникот и три лакти висок.

²А на неговите четири агли направи им рогови, така што роговите да излегуваат од него; и опковај ги со бронза.

³Потоа направи венец на жртвеникот, покров и чаши за темел и кадило; сите садови направи ги од бакар.

⁴И направи му огниште од бакар во вид на мрежа, а на огништето од страните четири агли, направи и четири алки од бакар;

⁵и стави ги под огништето на жртвеникот, за да зафаќа огништето до средината на жртвеникот.

⁶Направи за жртвеникот лостови, лостови од дрвото ситим, и обви ги со бакар;

⁷лостовите да се провлечат низ алките, така што лостовите да излегуваат од двете страни на жртвеникот, за да се носи.

⁸Празен ќе го направиш од штици, однатре да биде празен; како што ти беше покажано на гората, така да го направиш.

⁹Направи и двор на скинијата. На јужната страна направи завеси од ткаенина, и од висон, сто лакти во должина од едната страна;

¹⁰а за двесетте нивни столбови и подножја од бакар — дваесет; кукичките за нивните столбови и врвовите нивни да бидат сребрени.

¹¹Исто така и од северната страна завесите да бидат сто лакти долги; и дваесет столбови за нив со дваесет подножја до бакар; кукичките нивни и врвовите на столбовите и подножјата нивни посребрени со сребро.

¹²А и по ширина на дворот што е од кај морето да има зевеси, долги педесет лакти; со десет столбови и десет подножја за нив.

¹³А на предната страна, кон исток, дворот треба да има завеси, од педесет лакти — со столбови десет и нивни подножја десет.

¹⁴Од петнаесет лакти во висина нека бидат завесите од едната страна, и за нив три столба и три подножја под нив;

¹⁵и од другата страна завеси, од петнаесет лакти, во висина со три столба за нив и три подножја под нив;

¹⁶А за вратата на дворот завесата да е дваесет лакти во висина, од сина, црвена и темноцрвана ткаенина и со ткаен висон ишарана; и четири столба за неа, со четири подножја под нив.

¹⁷Сите столбови за тремот наоколу треба да бидат опковани со сребро; и врвовите нивни да им се сребрени, а подножјата од бакар.

¹⁸Во должина дворот да има сто лакти, во ширина по педесет насекаде, додека во висина пет лакти; ткаенина од висон, а подножјето од бакар.

¹⁹Сите направи и сите орудија во скинијата за општа употреба и сите негови колчиња, и сите колчиња на дворот да се од бакар.

²⁰И заповедај им на синовите Израилеви да ти донесат елеј, маслинов, за горење, без талог, чист, да гори за светење, за да гори секогаш.

²¹Ве скинијата на сведоштвото пред завесата, која е над ковчегот на откровението, Арон и синовите негови нека го палат, да гори пред Господа од вечер до утрина. Тоа нека е вечен закон за поколенијата на синовите Израилеви.«