Read Lamkang Исход 8 Bible Online

Исход 8 - Lamkang bible

Исход 8

¹Потоа Господ пак му рече на Мојсеја: »Оди при Фараонот, и речи му — вака вели Господ: ‚Пушти го народот Мој, да му изврши служба.‘

²А ако не се согласиш да го пуштиш, еве, Јас ќе ја поразам целата земја твоја со жаби;

³и реката ќе се исполни со многу жаби, и тие ќе излезат и ќе влезат кај тебе дома, и во твојата спална, и во постелата твоја, и во куќата на слугите твои и народот твој, и во печките твои, и во ноќвите твои;

⁴а врз тебе ќе скокаат жаби и врз народот твој и врз слугите твои.«

⁵И му рече Господ на Мојсеја: »Кажи му на Арона, братот твој: ‚Пружи ја раката Твоја со стапот свој врз реките, врз изворите и врз езерата, и направи жаби да излезат по земјата Египетска.‘«

⁶И ја пружи Арон раката своја врз водите египетски, и произлегоа жаби; и ја покрија земјата Египетска;

⁷Но и врачевите египетски го направија истото со своето вражање, па изведоа жаби по земјата Египетска.

⁸Тогаш Фараонот ги повика Мојсеја и Арона и им рече: »Помолете Му се на Господа за мене, да ги отстрани жабите од мене и од народот мој, и јас ќе го пуштам народот да Му принесе жртва на Господа.«

⁹А Мојсеј му рече на Фараонот: »Определи кога сакаш да Му се помолам за тебе, за слугите твои и за твојот народ, за да се отстранат жабите од тебе и од народот твој и од куќите ваши, а само во реката да останат.«

¹⁰И определи: »Утре«. А Мојсеј рече: »Нека биде како што рече ти, за да познаеш дека нема друг освен Господа, нашиот Бог.

¹¹Ќе отидат жабите од тебе, од куќите ваши, од дворовите на слугите твои и од народот твој; само во реката ќе останат.«

¹²Потоа Мојсеј и Арон излегоа од кај Фараонот. И Мојсеј Му се помоли на Господа за разграничување на жабите, како што беше се договорил со Фараонот.

¹³И Господ направи како што измоли Мојсеј: жабите изгинаа по куќите, по дворовите и по нивите нивни.

¹⁴И ги собраа на купишта, така што земјата засмрде.

¹⁵А кога Фараонот виде дека злото помина, му отврдна срцето, и не ги послуша нив, како што беше рекол Господ.

¹⁶Тогаш Господ му рече на Мојсеја — »Кажи му на Арона: ‚Пружи го со рака стапот свој, и удри по правот на земјата — ‘ и ќе се појават мушички по целата земја Египетска.«

¹⁷Арон го пружи со раката стапот свој, и удри по правот на земјата, и се појавија мушички по луѓето и по доборокот, сиот песок на земјата се претвори во мушички по целата земја Египетска.

¹⁸Сеобидоа и вражачите египетски со вражањето свое да призведат мушички, но не можеа. И имаше мушички по луѓето и по добитокот.

¹⁹И му рекоа вражачите на Фараонот: »Ова е знак Божји!« Но срцето на Фаронотпак се стврдна, и не ги послуша, како што беше рекол Господ.

²⁰И му рече Господ на Мојсеја: »Стани утре и застани пред Фараонот. Тогаш тој ќе излезе кај реката, па кажи му: ‚Вака вели Господ: Пушти го народот Мој, да Ми послужи.‘

²¹А ако не сакаш да го пуштиш народот Мој, еве, Јас ќе пуштам врз тебе и врз слугите твои, и врз народот твој и во домовите ваши бубачки, и ќе се исполнат со бубачки куќите египетски, и земјата на која се.

²²А во оној ден ќе ја одделам земјата Гесем, каде што живее Мојот народ, и таму нема да има бубачки, за да познаеш, дека Јас сум Господ Бог на целата земја.

²³И ќе направам разлика меѓу народот Мој и народот твој. Утре ќе го има тој знак на земјата.«

²⁴И направи Господ така: и се појавија многу бубачки во куќите Фараонови, во куќите на слугите негови и во целата земја Египетска, така што се сотре земјата од бубачките.

²⁵Фараонот ги повика Мојсеја и Арона, и им рече: »Отидете, принесете Му жртва на вашиот Господ Бог во оваа земја!«

²⁶Но Мојсеј рече: »Не е можно така да биде, зашто принесувањеот жртва на Господа, нашиот Бог, е нечисто за Египтјаните, пред нивните очи, тие нема ли да нѐ убијат со камења?

²⁷Три дена пат ќе одиме во пустињата, па да Му принесеме жртва на Господа, нашиот Бог, како што ни рече нашиот Господ.«

²⁸И одговори Фараонот: »Ќе ве пуштам да Му принесете жртва на Господа, вашиот Бог, во пустињата; но не одете подалеку, и помолете се на Господа и за мене!«

²⁹А Мојсеј рече: »Еве, јас одам од тебе и ќе Му се помолам на Господа Бога, и бубачките утре ќе исчезнат од тебе и од слугите твои, а и од народот твој. Но престани, Фараоне, да нѐ мамиш, не пуштајќи го народот да Му принесе жртва на Господа.«

³⁰И отиде Мојсеј од Фараонот, и Му се помоли на Господа.

³¹И Господ направи како што измоли Мојсеј, и си отидоа бубачките од Фараонот, и од слугите негови, и од народот; и не остана ниедна.

³²Но пак зарврдна срцето Фараоново, и пак не го пушти народот.