Read Lamkang Јов 16 Bible Online

Јов 16 - Lamkang bible

Јов 16

¹Одговори Јов и рече:

²»Јас сум слушал многу такви работи; немили утешители сте сите вие!

³Ќе имаат ли крај празните зборови? И што те поттикнало да ми говориш така?

⁴И јас можев да зборува исто како вас, ако вашата душа беше на местото на мојата душа; би се противставувал со зборови против вас и би кимнувал со главата против вас;

⁵би ве поткрепувал со јазикот свој и со движењето на усните свои би ве утешувал.

⁶Ако говорам, скрбта моја не се сталожува; ако замолчам, зар ќе ми одмине?

⁷Но сега Ти ме изнемошти. Ти ми ја растури мојата челад.

⁸Ти ме покри со брчки, за сведоштво против мене; мојата изнуреност се крева против мене, в лице ме прекорува.

⁹Гневот негов се измачува и непријателствува против мене, ми скрца со забите; непријателот ги впива очите во мене.

¹⁰Ја отвориле устата против мене; навредувајќи ме удираат по усните; сите направиле заговор против мене.

¹¹Бог ме предаде на беззаконите и ме предаде во рацете на нечестивите.

¹²Си бев спокоен, но Тој ме потресе; ме фати за вратот, ме затересе и ме постави за цел на Себеси.

¹³Ме опколија стрелците Негови; Тој ги раскинува моите внатрешнини, без да ме штеди, ја пролева на земјата жолчката моја,

¹⁴пробива во мене рана до рана, трча против мене како бесен борец.

¹⁵Вреќиште сошив на кожата моја и во прав ја турив главата своја.

¹⁶Лицето мое поцрвене од плачење, и на клепките имам смртна сенка,

¹⁷Во рацете мои нема крадено, и молитвата моја секогаш била чиста.

¹⁸Земјо! Не криј ја крвта моја, та за мојот повик да нема место.

¹⁹И сега, ете, на небото сведок имам, Застапникот ми е во висините!

²⁰Нека ја прими молитвата моја Господ и нека солзи окото мое пред Него.

²¹О, да можеше човек да се бори со Бога, како синот човечки со својот ближен!

²²Зашто крајот на годините мои ми доаѓа; на пат без враќање треба да појдам.«