Read Lamkang Јов 19 Bible Online

Јов 19 - Lamkang bible

Јов 19

¹На тоа одговори Јов и рече:

²»До кога ќе ја мачите душата моја? До кога ќе ме измачувате со зборови?

³Ете, веќе десетпати ме посрамувате, и не ли ви е срам да ме измачувате?

⁴Ако сум и навистина згрешил, грешката моја останува за мене.

⁵Ако, пак, сакате да се големеете над мене и да ме прекорувате со мојот срам,

⁶знајте, дека Бог ме собори и со мрежата Своја ме обвитка.

⁷Ете, јас викам: — неправда! — и никој не слуша; врескам, и суд нема.

⁸Он ми го загради патот, и не можам да минам, и врз патеките ми спушти мрак.

⁹Ја соблече од мене славата моја и го симна венецот од главата моја.

¹⁰Од сите страни ме сосипува, и јас одам, и како дрво Он ја истргнува надежта моја.

¹¹Го разгори гневот Свој против мене и ме вбројува меѓу Своите непријатели.

¹²Војските Негови дојдоа заедно, се упатија кон мене и се сместија околу шаторот мој.

¹³Браќата мои Он ги оддалечи од мене; и оние, што ме познаваат, се отстрануваат од мене.

¹⁴Ме напуштија блиските мои, ме заборавија познатите мои.

¹⁵Оние што најдоа поткрепа во куќата моја и слугите и слугинките мои ме сметаат за туѓ; надворешен станав во нивните очи.

¹⁶Го викам слугата свој, и тој не се одѕива; со устата своја треба да го молам.

¹⁷Воздишката моја ѝ дотежна на жената моја, и треба да ја молам заради децата на утробата нејзина.

¹⁸Дури и малите деца ме презираат; кога станам тие се подигруваат со мене.

¹⁹Од мене се гнасат моите најверни пријатели, и оние, што ги сакав, — се свртија против мене.

²⁰Коските ми се залепија за кожата моја и телото мое, и јас останав со кожа само околу забите мои.

²¹Смилувајте се, смилувајте се над мене, пријатели мои, — зашто раката Божја се допре до мене.

²²Зошто ме гоните и вие како Бог, и со телото мое не можете да се наситите!

²³О, да беа зборовите мои напишани! да беа ставени на книга!

²⁴Со железно длето и со олово, — да беа на вечни времиња врз камен издлабени!

²⁵Но јас знам, Искупителот мој е жив, и Он во последниот ден ќе ја крене мојата гнилежна кожа.

²⁶И јас во телото мое ќе го видам Бога.

²⁷Јас сам ќе го видам; моите очи, не очите на друг, ќе Го видат. Срцето ми се топи во градите мои!

²⁸Вам ви се паѓаше да кажете: — зошто го гониме! — Како да е коренот на злото најден во мене.

²⁹Плашете со од мечот, зашто мечот се одмаздува за неправда, а знајте дека има и суд.«