Read Lamkang Јов 23 Bible Online

Јов 23 - Lamkang bible

Јов 23

¹Одговори Јоф и рече:

²»Дури и сега зборот мој е горчлив, страдањата мои се потешки од воздишките мои.

³О, да знаев како да Го најдам, да можев да се приближам до престолот Негов!

⁴Би го изложил пред Него моето дело и би ја наполнил устата своја со оправдание;

⁵ќе ги дознаев зборовите, со кои Он ми говореше, ќе разберев што ќе ми кажеше.

⁶Зар Он, Сесилниот, би зел да се спори со мене? О, не! Туку би ми помогнал.

⁷Тогаш праведникот би можел да се оправда пред Него, — и јас засекогаш би се ослободил од својот Судија.

⁸Но, ете, јас одам напред — а Него Го нема, назад се враќам — и не Го наоѓам;

⁹врши ли Он нешто на левата страна, јас не Го гледам.

¹⁰Но, ако го знае патот мој, нека ме испита, — ќе излезам како злато.

¹¹Ногата моја здраво се држи за патеките Негови; патиштата Негови ги пазев и не се отстранував.

¹²Од заповедите на устата Негова не отстапував; зборовите на устата Негова ги пазев повеќе отколку моите правила.

¹³Но Он е силен; кој ќе Го отстрани? Он го прави она што го сака душата Негова.

¹⁴Он ќе го направи она што го наумил за мене, слично на тоа во Него има многу.

¹⁵Затоа јас треперам пред лицето Негово; кога мислам за тоа — се плашам од Него.

¹⁶Бог ме обесхрабри, Вседржителот ме уплаши.

¹⁷Зошто не сум уништен пред оваа темнина? Зошто со мрак го прекри лицето мое!«