Read Lamkang Јов 27 Bible Online

Јов 27 - Lamkang bible

Јов 27

¹Го продолжи Јов својот возвишен збор и рече:

²»Жив е Бог, Кој ме лиши од студ, и Вседржителот, Кој ја огорчи душата моја,

³зашто, додека уште здивот мој е во мене и духот Божји во ноздрите мои,

⁴устата моја нема да проговори неправда и јазикот мој нема да искаже лага!

⁵Далеку од мене да ве признаам за справедливи; додека не умрам, нема да отстапам од својата справедливост.

⁶Цврсто ја држев правдата своја и нема да ја пуштам; нема да ме прекори срцето мое во сите денови мои.

⁷Непријателот мој ќе биде како безбожник, и оној што станува против мене — како беззаконик.

⁸Зашто, каква надеж за лицемерниот, кога Бог ќе ја земе, кога ќе ја истргне душата негова?

⁹Ќе го чуе ли Бог викањето негово, кога ќе го снајде неволја?

¹⁰Ќе се утешува ли тој со Вседржителот и ќе Го повикува ли Бога во секое време?

¹¹Ќе ви кажем што има во раката Божја; нема да сокријам што има кај Вседржителот.

¹²Ете, сите вие сами видовте; па зошто толку празни зборови кажувате?

¹³Ете, тоа е делот од Бога за беззаконикот и наследство кое насилниците го добиваат од Вседржителот.

¹⁴Ако синовите негови се умножуваат за меч; потомците негови нема да се наситат со леб.

¹⁵Оние што ќе останат по него смртта ќе ги турне во гроб, вдовиците нивни нема да плачат по нив.

¹⁶Да натрупа и сребро како прав и да приготви многу облека,

¹⁷тој ќе приготви, но ќе се облекува праведникот, а непорочниот ќе го добие среброто како свој дел.

¹⁸Си гради куќа како молец и како чувар си прави колиба;

¹⁹лиегнува да спие богат, и не станува таков; отвора очи, и не е повеќе тој.

²⁰ужаси како голема вода ќе го стигнат; ноќе ќе го грабне луња.

²¹Ќе го крене источниот ветар и виор ќе го понесе, и брзо ќе го однесе од местото негово.

²²Бог ќе го допушти тоа врз него и нема да го пожали, колку и да се труди да избега од рацете Негови.

²³Ќе заплескаат со рацете по него и ќе му потсвирнат од местото негово!«