Read Lamkang Јов 34 Bible Online

Јов 34 - Lamkang bible

Јов 34

¹Продолжи Елијуј и рече:

²»Ислушајте го, мудри, зборот мој, и приклонете го увото кон мене, разумни!

³Зашто увото ги разбира зборовите, како што непцата го разликуваат вкусот на храната.

⁴Да расудиме меѓу себеси што е право и да познаеме што е добро.

⁵Ете, Јов рече: ‚јас сум прав, но Бог ја отфрли мојата правда.

⁶Треба ли да лажам против својата правда? Раната ми е неизлечива — рана без вина.‘

⁷Има ли човек како Јова, којшто ги пие подигравките како вода,

⁸кој другарува со оние што вршат беззаконие и оди со безбожни луѓе?

⁹Зашто тој беше рекол: — нема полза за човека да му угодува на Бога. —

¹⁰И така, чујте ме, луѓе разумни! Не може да има кај Бога зло или кај Вседржителот неправда.

¹¹Он постапува со човекот според делата негови и му помага да го најде патот свој.

¹²Навистина, Бог не прави зло и Вседржителот не суди криво.

¹³Кој, освен Него, размислува за земјата? И кој управува со вселената?

¹⁴Ако Он го свртеше срцето Свое кон Себе и го земеше при Себе нејзиниот дух и нејзиното дишење, —

¹⁵за миг ќе загинеше секоја плот и човекот ќе се вратеше во правот.

¹⁶И така, ако имаш разум, чуј го ова и внимавај на зборовите мои.

¹⁷Кој ја мрази правдата, може ли да господари? И можеш ли ти да Го обвинуваш Сеправедниот?

¹⁸Може ли да му се каже на царот: ‚ти си никаквец‘, и на кнезовите: ‚вие сте беззаконици?‘

¹⁹Но Бог не гледа и на лицата на кнезовите и не цени богат пред сиромав, зашто сите тие се дело на раката Негова.

²⁰Тие умираат ненадејно, и среде ноќ народот ќе се вознемири и ќе исчезне;

²¹зашто неговите очи се над патиштата на човекот; Он ги гледа сите чекори негови.

²²Нема темнина, ниту смртна сенка, каде што би можеле да се сокријат оние што вршат беззаконие.

²³Никому не му го одложува времето кога ќе му дојде да се суди со него.

²⁴Он ги уништува силните без испитување и поставува други на нивните места,

²⁵зашто Он ги знае нивните дела; кога настане ноќ — веќе ги нема.

²⁶Ги поразува како беззаконици пред очите на другите,

²⁷поради тоа што отстапиле од Него и не ги разбрале Неговите патишта,

²⁸така што дојде до Него повикот од сиромасите, го слушна офкањето на угнетените.

²⁹Ако даде Он мир, кој може да вознемири? Ако го сокрие лицето Свое, кој може да Го види? А тоа бива за сиот народ и за еден човек,

³⁰за да не царува лицемерниот над народот и да нема стапица за народот.

³¹На Бога треба да Му се каже: ‚Претрпев, нема повеќе да грешам.

³²А она што јас не знам научи ме; ако сум направил беззаконие, нема повеќе да правам.‘

³³Според твоето ли разбирање Он треба да плаќа? И бидејќи ти отфрлуваш, на тебе останува да избираш, а не на мене; зборувај сѐ што знаеш.

³⁴Умните луѓе ќе го кажат истото; мудрите ќе се согласат со мене,

³⁵дека Јов умно не зборува и дека зборовите негови не се разумни.

³⁶Би сакал јас Јов наполно да биде испитан, според одговорите негови, зашто одговара како лоши луѓе.

³⁷Инаку, кон гревот свој додава уште и беззаконие, плеска со рацете меѓу нас и уште повеќе ќе говори против Бога.«