Read Lamkang Јов 35 Bible Online

Јов 35 - Lamkang bible

Јов 35

¹Продолжи пак Елијуј и рече:

²»Мислиме ли дека е право тоа што рече: ‚мојата правда е поголема од Божјата?‘

³Ти рече: ‚каква полза за мене и каква корист ќе имам, ако не грешам?‘

⁴Јас Ќе ти одговорам и на тебе и на твоите пријатели:

⁵Погледај кон небото и види; загледај се во облаците — тие се повисоки од тебе.

⁶Ако грешиш, што ќе Му направиш Нему? И ако товите престапи се умножуваат, што Му причинуваш Нему?

⁷Ако си праведен, што Му даваш? Или што ќе добие од раката твоја?

⁸Твоајта нечесност може да му направи лошо на човекот како тебе; а твојата праведност може да му помогне на синот човечки.

⁹Од многу насилници офкаат угнетените и од рацете на силните пиштат;

¹⁰но никој не вели: ‚каде е Бог, мојот Создател, Кој дава песни ноќе,

¹¹Кој нѐ прави поразумни од земниот добиток и помудри од птиците небески?‘

¹²Таму тие пиштат, поради гордоста на лошите луѓе, но Он не ги услишува.

¹³Бог не ги слуша гордите, и Вседржителот не гледа на нив.

¹⁴Макар и да велиш дека не Го гледаш, но судот е пред Него, и — очекувај го.

¹⁵А сега, бидејќи гневот Негов те посети, а тоа не е ништо и Он не те испита со сета строгост,

¹⁶затоа, Јов, лесномислено ја отвора устата своја и без размислување, неразумно говори.«