Read Lamkang Јов 40 Bible Online

Јов 40 - Lamkang bible

Јов 40

¹Му одговори Господ на Јова од луњата и му рече:

²»Препаши ја како маж половината своја: Јас ќе те прашувам, а ти објаснувај Ми.

³Мојот суд ли сакаш да го собориш, да Ме обвиниш, а себеси да се оправдаш?

⁴Таква ли е твојата мишка, како на Бога? И можеш ли како Него да згрмиш со гласот свој?

⁵Тогаш украси се со величие и слава, облечи се во болскот и великолепие;

⁶излеј ја јароста не гневот свој, погледај сѐ што е гордо и смири го;

⁷погледај ги сите поносни и понизи ги, сотри ги безбожниците на местата нивни;

⁸закопај ги сите во земја и покри ги лицата нивни со темнина.

⁹Тогаш и Јас ќе признаам, дека твојата десница може да те спасува.

¹⁰Ете слонот, што сум го создал, како и тебе; тој јаде трева како вол;

¹¹а силата негова е во бедрата негови, јачината негова — во мускулите е на стомакот негов;

¹²ја размавтува опашката своја како кедар, а жилите на бедрата негови се како железни стапови;

¹³нозете негови изгледаат како бакарни труби; коските негови — како железни прачки;

¹⁴тоа е врвот на Божјите патишта: само Оној Кој го создал, може да го приближи мечот Свој до него;

¹⁵горите негови му принесуваат храна, таму сите полски ѕверови играат;

¹⁶тој си легнува под сенчести дрвја, меѓу трски и во глиб;

¹⁷сенчестите дрвја го покриваат со сенката своја; врби крај потоците го опкружуваат;

¹⁸ете, тој ја задржува реката за да пие и не брза; си останува спокоен, дури и кога би посакал Јордан да потече кон устата негова.

¹⁹Ќе го фати ли некој јавно и ќе му го продупчи ли носот негов со кука?

²⁰Можеш ли со јадица да излвлечеш слон и со врвца да го врзеш за јазикот?

²¹Ќе вовреш ли алка во ноздрите негови? Ќе ја прободеш ли со шило челуста негова?

²²Ќе ти се моли ли многу и ќе ти говори ли кротко?

²³Ќе направи ли договор со тебе, ќе го земеш ли засекогаш како слуга свој?

²⁴Ќе се забавуваш ли со него како со птичка, и ќе го врзеш ли заради девојченцата свои?

²⁵Ќе го продаваат ли другарите како лов, ќе го делат ли меѓу хананејските трговци?

²⁶Можеш ли да му ја продупчиш кожата негова со копје и главата негова со рибарска вила?

²⁷Стави ја на него раката своја и помни за борбата; оти во иднина не ќе смееш.«