Read Lamkang Јов 41 Bible Online

Јов 41 - Lamkang bible

Јов 41

¹»Ете, надежта е суетна. Нема ли да паднеш само од еден негов поглед?

²Нема толку силен кој би се осмелил да Ме обеспокои; и кој може да опстане пред Моето лице?

³Кој Ми дал нешто порано, та Јас да му вратам? Под целото небо сѐ е Мое.

⁴Нема да премолчам за деловите негови, за силата и нејзината убава сразмерност.

⁵Кој може да ја одгрне горната облека негова, кој ќе се приближи до двојните челусти негови?

⁶Кој може да ја отвори вратата на лицето негово? Забите негови наоколу се ужас.

⁷јаките штитови негови — великолепие; тие се зацврстени како со тврд печат;

⁸еден до друг се допираат толку блиску, така што и воздух не минува меѓу нив;

⁹еден до друг стојат збиени, слепени се и не се размесуваат.

¹⁰Кога кива, испушта светлина; очите му се како зраци на зората:

¹¹од устата негова излегуваат пламени јазици, излегуваат огнени искри;

¹²од ноздрите негови излегува пара, како од зовриено грне или котел.

¹³Здивот негов е разгорен јаглен, а од устата негова излегува пламен.

¹⁴На вратот негов сила престојува, и пред него ужас трча.

¹⁵Месестите делови на телото му се сплотени силно меѓу себе, не мрдаат.

¹⁶Срцето му е цврсто како камен, кораво како долен воденички камен.

¹⁷Кога се подига, јунаци треперат, сосема се губат од ужас.

¹⁸Кој меч ќе се допре до него, не издржува; не издржува ни копје, ни кратко копје, ни оклоп.

¹⁹Железото го смета за слама, бакарот — за гнило дрво.

²⁰Стрелата ни лакот нема да го подгони; камењата од праќката во плева се претвораат за него.

²¹Боздоганот за него е како сламка; над пиштењето од стрелата тој се смее.

²²Под него има остри камења, и тој лежи врз остри камења во калта.

²³Он прави морската длабочина да врие како котел, морето го претвора во зовриена маст;

²⁴зад себе остава светла трага; бездната изгледа како бело руно.

²⁵На земјата нема сличен на него: он е создаден бестрашен;

²⁶на сѐ, што е високо, гледа смело; он е цар над сите синови на гордоста.«