Read Lamkang Јов 8 Bible Online

Јов 8 - Lamkang bible

Јов 8

¹Тогаш одговори Вилдад од Сува и рече:

²»До кога ли ќе говориш така? И зборовите од устата твоја да се бурен ветар!

³Зар Бог суди криво? Може ли Седржителот да ја изопачи правдата?

⁴Ако твоите синови пред Него згрешиле, затоа и ги предал на нивното беззаконие.

⁵Но ако со срце Го побараш Бога и Му се помолиш за милост на Вседржителот,

⁶и ако си чист и праведен, Он уште сега ќе ја услиши молитвата Твоја; и ќе го обнови животот твој како на праведник.

⁷И ако порано си имал малку, после ќе имаш повеќе.

⁸Запрашај ги поранешните поколенија и вникни во мудроста на нивните татковци;

⁹ние сме вчерашни и ништо не знаеме, нашите дни се како сенка на земјата.

¹⁰Зар тие нема да те научат, зар тие нема од срцето свое да кажуваат зборови:

¹¹никнува ли шевар без влага? Расте ли трска без вода?

¹²Додека е уште зелена и додека непресечена, таа се суши пред секоја трева.

¹³Такви се патиштата на сите, што го забораваат Бога; така пропаѓа надежта на безбожниот;

¹⁴надежта му е тенка нишка, вербата негова — мрежа пајакова.

¹⁵Ако се потпре на куќата своја, нема да устои; ќе се фати ли за неа, нема да додржи.

¹⁶Се зеленее тој, на сонцето вирее, неговите фиданки градината ја прекриваат,

¹⁷во грамада од камења се вплетуваат корењата негови, живот црпи од живиот камен.

¹⁸Но кога ќе го искорнат од местото негово, тоа ќе се откаже и ќе рече: не сум те познавало!

¹⁹Ете ја радоста на неговито пат! А од земјата никнуваат растенија други.

²⁰Не, Бог не ги отфрла непорочните и не ја поддржува раката на беззакониците.

²¹Со смеа ќе ја наполни устата твоја, и усните твои — со радосни извици.

²²Оние што те мразат, со срам ќе се покријат, шаторот на нечесните ќе исчезне.«