Read Lamkang Псалми 101 Bible Online

Псалми 101 - Lamkang bible

Псалми 101

¹Господи, услиши ја молитвата моја и повикот мој нека дојде до Тебе!

²Не одвраќај го лицето Свое од мене, во денот на мојата жалост приклони го увото Твое кон мене; во деност, кога Те повикувам, услиши ме бргу,

³зашто дните ми исчезнуваат како дим, а коските мои се исушија како суварки;

⁴попарен сум како трева, срцето ми е исушено, така што заборавив и лебот свој да го јадам;

⁵од гласот на моите воздишки коските ми се залепија за телото мое.

⁶Заприлегав на несит во пустиња; станав како був во урнатини;

⁷не спиев, седев како самотна птица на покрив.

⁸Секој ден ме навредуваа непријателите мои, и фалејќи се, ме проколнуваа.

⁹Јадев пепел како леб и пијалокот свој со солзи го растворав.

¹⁰Поради гневот и јароста од лицето Твое бев воздигнат и соборен.

¹¹Дните мои исчезнуваа како сенка и јас се исушив како сено.

¹²А Ти, Господи, вечно пребиваш; и споменот за Тебе е од род во род.

¹³Кога ќе станеш, ќе се смилуваш на Сион, зашто време е да се смилуваш на него — зашто дојде времето;

¹⁴бидејќи на Твоите слуги им омилеа и камењата негови и за правот негов жалат.

¹⁵Незнабожците ќе се заплашат од името на Господа, а сите земни цареви — од Твојата слава.

¹⁶Зашто Господ ќе го изгради Сион и ќе се појави во славата Своја;

¹⁷ќе погледне милостиво на молитвите од беспомошните и нема да ги презре молибите нивни.

¹⁸Нека се запише ова за следниот род, и идното поколение што ќе Го слави Господа,

¹⁹зашто се јави од светата Своја височина, Господ од небесата погледна на земјата,

²⁰за да ги чуе офкањата на окованите, да ги ослободи синовите од смртта,

²¹за да го разгласат името Господово на Сион и похвалата Негова во Ерусалим,

²²кога ќе се соберат народите и царствата заедно да му служат на Господа.

²³Он ми ја откажа заштитата Своја на патот мој, ме извести дека ги скратува дните мои.

²⁴Боже мој! Не земај ме на половината од деновите мои. Твоите години се од род во род.

²⁵Во почетокот Ти, Господи, ја основа земјата, небесата се дело на Твоите раце;

²⁶тие ќе пропаднат, а Ти ќе пребиваш; сите тие — како облека ќе оветвеат, и како наметка Ти ќе ги свиткаш, и ќе се изменат;

²⁷но Ти си секогаш истиот, и Твоите години нема да завршат.

²⁸Синоивте на Твоите слуги ќе се веселат и потомството нивно ќе се зацврсти за навек.