Read Lamkang Псалми 102 Bible Online

Псалми 102 - Lamkang bible

Псалми 102

¹Благословувај Го, душо моја, Господа, и целата моја внатрешност да го благословува Неговото свето име.

²Благословувај Го, душо моја, Господа и не заборавај ги сите Негови добрини, на Оној,

³Кој ги очистува сите твои беззаконија, Кој ги исцелува сите твои болести;

⁴Кој го избавува од распаѓање твојот живот, Кој те овенчува со милост и со добрини.

⁵Кој ја исполнува со блага твојатажелба, како на орел ќе се обновува твојата младост.

⁶Господ им дава милост и суд на сите онеправдани.

⁷Он му ги покажа Своите патишта на Мојсеја, на Израилевите синови — барањата Свои.

⁸Штедар и милостив е Господ, долготрпелив и многумилостив;

⁹Он не се гневи до крај, ниту вечно се лути.

¹⁰Оне не ни направи ништо според нашите безааконија и не постапи според нашите гревови;

¹¹зашто, колку е големо растојанието од небото до земјата, толку е голема милоста на Господа спрема оние што се бојат од Него;

¹²колку е далеку исток од запад, толку ги оддалечил Он од нас нашите беззаконија;

¹³како таткото што ги милува синовите, така и Господ ги милува оние, кои се бојат од Него.

¹⁴Зашто Он го знае нашиот состав, помни дека сме земја.

¹⁵Дните на човекот се како трева; како полски цвет, така прецутува тој;

¹⁶ќе дувне ли над него ветар, и веќе го нема, и местото веќе нема да се познава

¹⁷А милоста на Господа е од век до век спрема оние, кои се бојат од Него,

¹⁸и правдата Негова е од синовите на синовите, кои го чуваат заветот Негов и ги помнат заповедите Негови, за да ги исполнуваат.

¹⁹Господ го поставил Својот престол на небото, и царството Негово владее над сѐ.

²⁰Благословувајте Го Господа — сите ангели Негови крепки по сила, кои го извршуваат Неговиот збоар, слушајќи го гласот од зборот Негов;

²¹благословувајте Го Господа — сите Негови војски, Негови служители, кои ја испонувате волјата Негова;

²²благословувајте Го Господа сите Негови дела, по сите места на Неговото владеење. Благословувај Го, душо моја, Господа!