Read Lamkang Псалми 104 Bible Online

Псалми 104 - Lamkang bible

Псалми 104

¹Славете Го Господа; призивајте го Неговото име; разгласувајте ги меѓу народите делата Негови.

²Славете Го и пејте Му; кажувајте ги сите Негови чудеса.

³Фалете се со Неговото свето име: нека се весели срцето на оние, кои Го бараат Господа.

⁴Барајте Го Господа и утврдувајте се, барајте го секогаш лицето Негово.

⁵Спомнувајте ги чудесата Негови, што ги направи, чудесата Негови и судовите од устата Негова,

⁶вие, семе Авраамово, слуги Негови, синови Јаковови, избраници Негови.

⁷Он е Господ, Бог наш; Неговите судови се по целата земја.

⁸Он вечно го помни заветот Свој, зборот што го заповедал во илјада родови,

⁹што му го ветил на Авраама, и заклетвата своја на Исака;

¹⁰и му го поставил тоа како закон на Јакова и како вечен завет на Израилот,

¹¹велејќи: »Тебе ќе ти ја дадам Хананската земја во ваше наследство.«

¹²Тогаш тие беа уште малку на број, многу малку, и беа придојдени во неа,

¹³па преминуваа од народ во народ, од едно царство кон друг народ;

¹⁴никому не му дозволуваше Он да ги навредува и царевите за нив ги караше:

¹⁵»Не допирајте се до Моите помазани, на Моиоте пророци не правете им зло!«

¹⁶И пушти глад во таа земја и секој лебен клас го сотре.

¹⁷Испрати пред нив човек: како роб беше продаден Јосиф.

¹⁸Ги стегнаа во вериги нозете негови; железото ја измачувало душата негова,

¹⁹додека се исполни зборот Негов: зборот Господов го оправда.

²⁰Царот прати по него, го одврзаа, кнезот над народите и го ослободи.

²¹Го постави за домаќин над домот свој и управител над сиот имот свој,

²²за да ги поучува кнезовите според својата волја и старешните негови да ги учи на мудрост.

²³Тогаш дојде Израилот во Египет, и Јаков се всели во Хамовата земја.

²⁴Го умножи Бог многу Својот народ и го направи посилен од непријателите негови.

²⁵Се преврти срцето нивно и тие го замразија народот Негов, и почнаа да им пакостат на слугите Негови.

²⁶Го испрати Мојсеја, слугата Свој, и Арона, кого го избра.

²⁷Ти ги покажаа меѓу нив зборовите на Неговите знаци и на чудесата Негови во Хамовата земја.

²⁸Испрати темнина и се смрачи, и тие не се спротивставија на зборот Негов.

²⁹Ја претвори водата нивна во крв и ја уништи рибата нивна.

³⁰Се исполни земјата нивна со жаби, дури и собите на царот нивни.

³¹Он рече: и нападнаа песји муви и мушички по сите нивни предели.

³²Наместо дожд, испрати врз нив град, оган што ја гореше земјата нивна,

³³и ги уништи лозјата нивни и смоквите нивни, ги сотре сите дрвја во нивните предели.

³⁴Рече и нападнаа скакулци игасеници безброј;

³⁵и ја изедоа сета трева по земјата нивна, ги испојадоа сите плодови на нивите нивни.

³⁶И го порази секое првородено во земјата нивна, првините од сиот нивни труд.

³⁷Ги изведе Израилците со сребро и злато, и немаше болен во племињата нивни.

³⁸Се зарадува Египет поради нивното излегување, бидејќи го беше обзел страв од нив.

³⁹Им простре облак како покрив и оган, за да им свети ноќе.

⁴⁰Бараа, и Он им прати потполошки и со леб небесен ги наситуваше.

⁴¹Расцепи камен и потекоа води, потекоа како река по безводната земја,

⁴²зашто се сети на Својот свет збор кон Авраама, Својот слуга.

⁴³па го изведе Својот народ со радост, Своите избрани — со веселба,

⁴⁴и им даде незнабожечки земји, и така наследија плодови од други народи,

⁴⁵за да ги чуваат наредбите Негови и да ги исполнуваат законите Негови. Алилуја!